Madax
ka tirsan DKMG oo kulamo la qaatay Xubo ka tirsan Ahlu Sunna
Madaxweynaha dowladda KMG Soomaaliya iyo Ra’iisul
wasaaraha Xukuumadda KMG Soomaaliya ayaa kulan looga hadlayo
sidii loo sii wadi lahaa dagaalada lagula jiro Al Shabaab
waxa ay Muqdisho kula yeesheen Mas’uuliyiin ka tirsan
Culumaa’udiinka Ahlu Sunna Waljamaaca.
Sida ay Idaacadda Shabelle u xaqiijiyeen Mas’uuliyiin
ka tirsan Ahlu Sunna Waljamaaca, waxaa Magaalada Muqdisho
kulamo looga hadlayay xaaladda dalka Soomaaliya iyo sii wadista
dagaalada ka dhanka ah Al Shabaab ku qaatay Madaxda dowladda
KMG ah iyo Mas’uuliyiin ka socota Ahlu Sunna Waljamaaca.
Xuseen Max’ud Cosoble oo ka tirsan Xubnaha
guddiga fulinta ee Ahlu Sunna Waljamaaca oo isaga iyo wafdi
ka tirsan Ahlu sunna Waljamaaca ku sugan Magaalada Muqdisho
ayaa sheegay in maanta Madax ka tirsan Ahlu Sunna oo uu hoggaaminayo
Sheekh Max’ed Yuusuf Xeefoow oo ah gudoomiyaha gudiga
fulinta Ahlu Sunna waljamaaca kulamo ay la qaateen Ra’iisul
wasaaraha Xukuumadda KMG iyo golahiisa wasiirada kuwaasi oo
looga hadlay sidii loo sii wadi lahaa dagaalada ka dhanka
ah Al Shabaab, wuxuuna tilmaamay Sheekhu in maalmo ka hor
sidoo kale Muqdisho ay kulamo kula qaateen Madaxweynaha dowladda
KMG ah Sheekh Shaariif Sheekh Axmed.
Xuseen Max’ud Cosoble ayaa waxa uu sheegay
in waajib ay tahay in Ahlu Sunna Waljamaaca ay wado dagalada
ay kula jirto Al Shabaab, dowladda KMG-kana looga baahanyahay
inay qeyb ka gaysato howlgalladaasi.
Warar aan la xaqiijin karin ayaa sidoo kale
waxa ay sheegayaan in kulamada ay qaateen Madaxda dowladda
KMG ah iyo Mas’uuliyiinta Ahlu Sunna waljamaaca looga
hadlay in Ahlu Sunna lagu taageero dhaqaalana lagu siiyo Dagaalka
aay kula jirto Al Shabaab.
Xaafiiska Wararka Warlalis.com Muqdisho
(