Gaari
ay wateen ciidamo ka tirsan dowlada KMG Somalia oo miino ay
kula kacday bartamaha degmada Belad-Xaawo
.
Qarax aad u xoogan ayaa barqanimadii maanta waxaa uu ka dhacay
bartamaha degmada B/xaawo ee gobolka Gedo kaasoo lala beegsaday
gaari Cabdi bile ah oo ay wateen ciidamo ka tirsan dowlada
KMG Somalia oo marayey bartamaha degmadaasi sida dad goob
joogayaal ah ay sheegeen.
Qaraxan oo loo adeegsaday miino wadada lagu
aasay oo meel fog laga hagayey ayaa waxaa la sheegay inuu
haleelay gaariga, uuna burbur xoogan u geystay, waxaana qasaare
nafeed uu ka soo gaaray ciidamadii la socday gaarigaas, iyadoo
qiiq badana uu ka baxay goobta uu qaraxaas ka dhacay.
Ugu yaraan hal askari oo ka tirsan ciidamada
dowlada KMG Somalia ayaa la xaqiijiyey inuu ku dhintay qaraxaas
halka shan kalena ay ku dhaawacmeen sida dad goob joogayaal
ahi sheegayaan, iyadoo ay jiraan warar kale oo intaasi ka
badinaya qasaaraha dhimasho iyio dhaawac ee qaraxaas ka dhashay.
“Qaraxa ayaa dhacay mar kaliyana dadka
ku nool degmada wey maqleen goobta uu ka dhacay dadkii ku
dhowaaana wey kala carareen waxaana yimid goobta ciidam kale
oo baaritaano ka sameeyey agagaarka goobta uu qaraxu ka dhacay”
sidaa waxaa yiri goob jooge magaciisa diiday oo ku sugan degmada
B/xaawo ee gobolka Gedo.
Ugu yaraan 8 ruux ayaa la sheegay in ciidamada
dowlada ay ku soo qabqabteen howlgalka la sheegay in qaraxa
ka dib ay ka sameeyeen qeybo ka mid ah degmadaas kuwasoo ay
ku tuhunsan yihiin iney ku jiraan kooxihii ka dambeeyey qaraxaas,
mana jiro war rasmi ah oo ku saabsan qaraxan oo ka soo baxay
maamulla DKMG ee degmada B/xaawo
Xaadiiska Wararka Warlalis.com
Muqdisho
(