Xoogagga
Ahlusunna waljamaaca oo Cashar ugu dhigay Khawaarijta Alshabaab
Xalay Saqdii dhexe Duleedka Magaalada Dhuusamareeb.
Dagaal sababay dhimasho iyo dhawac ayaa Ciidamada Ahlu Sunna
iyo kuwa Khawaarijta Al Shabaab waxa uu ku dhexmaray duleedka
degmada Dhuusamareeb ee gobolka Galgaduud.
Dagaalkaani ayaa waxa uu yimid ka dib markii
Ciidamo ka tirsan Khawaarijta ay weerar ku qaadeen fariisimo
Ciidamada Maamulka Ahlu Sunna Waljamaaca ay ku leeyihiin meel
5-KM u jirta Magaalada Dhuusamareeb ee Xarunta gobolka Galgaduud.
Gudoomiyaha degamda Dhuusamareeb Macalin C/raxmaan
Geedo Qoroow oo la hadlay Warlalis ayaa waxa uu sheegay in
dagaalka ay soo qaadeen kooxo ka tirsan Khawaarijta Al Shabaab
islamarkaana uusan ka dhiciin gudaha Magaalada, waxaana uu
tilmaamay in dagaalka uu ka dhacay fariisimo Ciidamada Ahlu
Sunna ay ku leeyihiin meel magaalada u jirto 5-KM.
Gudoomiyaha ayaa sheegay in Al Shabaab halkaasi
ay kaga dileen dhowr dagaalyahano 3-ka mid ah meydkaasna ka
carareen, isagoo xusay in Ciidamada Ahlu Sunna ay halkaas
Khawaarijta Cashar ugu dhigeen.
Majiro wax war ah oo kasoo baxay Saraakiisha
Ciidamada Al Shabaab ee ku aadan dagaalkaasi inkastoo xaaladdu
ay tahay mid degan islamarkaana meelmihii lagu dagaalamay
la sheegay inay ku sugan yihiin Ciidamada Ahlu Sunna waljamaaca.
Xaafiiska Wararka Warlalis.com
Dhuusamareeb
(