Kooxda
Al Shabaab oo dhalinyaro ka qafaashay Afgooye
Ku dhawaad 200, oo dhalinyaro ah ayaa la sheegay
in Al Shabaab ay ka qafaasheen magaalada Afgooye ee gobolka
Sh/hoose, iyado arintani ay cabsi ku abuurtay waalidiin badan.
Wararka laga helayo degmada Afgooye ee gobolka
Sh/hoose ayaa waxa ay sheegayaan in maanta boqolaal dadweyne
ah ay isugu soo baxeen garoonka ku badda cagta ee Todob oo
ku yaala bartamaha degmadaasi kadib markii Al Shabaab sida
la sheegay ay ku amreen dad weynahaasi inay soo xaadiraan
fagaarahaasi.
Sheekh Max’ed Jamaal oo ka mid ah Culumada
ugu caansan degmadaasi ayaa goobta ay isugu yimaadeen dad
weynaha waxa uu ka jeediyay muxaadaro, iyadoo Saraakiil ka
tirsaneyd Al Shabaab oo goob joog ka aheyd halkaasi ay ka
codsadeen dadka ku dhaqan halkaasi inay ku gacan siiyaan dagalaada
ay kula jiraan dowladda KMG ah.
Ku dhawaad 200, oo dhalinyaro ah ayaa Ciidamada
Al Shabaab waxa ay kusoo bandhigeen goobtaasi kuwaasi oo sida
la tibaaxay ay ku qasbeen inay ka qeyb qaataan dagaalada,
waxaana la sheegay in dhalinyaradaasi loo kala qeybiyay labo
qeybood, iyadoo qeyb ka mid ah loosoo qaday aagga hore dagaal
ee Magaalada Muqdisho halka kuwa kalena loo qaaday tababar
sida ay xaqiijiyeen dad goobjoogayaal ah.
Sikastaba arintaani ayaa la tilmaamay in cabsi
iyo wal wal badan ay ku abuurtay waalidiinta dhalay caruur
farabadan oo kaga jira Al Shabaab, iyadoo aan la’ogayn
halka ay ku dambeyn doonto xaaladda dhalinyarada maanta laga
ka xeeyay Magaalada Afgooye ee gobolka Sh.hoose.
Xaafiiska Wararka Warlalis.com
Muqdisho
(