Dagaal
mar kale ka dhacay Buuhoodle.
Dagaalo qasaaro sababay dhimasho iyo dhaawac oo u dhaxeeyay
ciidamada Somalilnad iyo Jabhadda SSC ayaa maanta mar kale
ka dhacay degmada Buuhoodle.
Dagaalkaani oo laysku adeegsanayay hubka culus
iyo kuwa fudud duqeyna ay bar bar socotay ayaa waxa uu ka
dhacay degmada Buuhoodle halkaasi oo ay isku fara saareen
ciidamo ka amar qaata Jabhadda SSC iyo kuwa Maamul goboleedka
Somaliland.
Afhayeenka Jabhadda SSC Cabdi Risaaq Bakeyle
Xaashi Faarax ayaa waxa uu sheegay in dagaalku uu ku bilowday
weerar uu sheegay in iyagu ku qaadeen kaasi oo uu sheegay
in ay Somaliland kaga dileen 12-askari, wuxuuna sheegay in
dhankooda labo askari ay ka dhimatay 3-kalana ay ka dhaawacantay.
Afhayeenka Jabhadda SSC ayaa waxa uu tilmaamay
in dadku ay ka barakacayaan degmada Buuhoodle sababo la xiriira
dagaalka, wuxaana uu carabka ku dhuftay in Madaxweynaha Maamul
goboleedka Somaliland dagaalkii uu iclaamiyay uu ka fashilmay
sida uu hadalka u dhigay, isagoo tilmaamay in darsi lama ilaabaan
ah ay u dhigeen Ciidamada Maamulkaasi.
Majirto wax war ah oo kasoo baxay Maamulka Somaliland
oo ku aadan dagaalka la sheegay in lagu dhabar jibiyay Ciidamada
Somaliland, waxaana iminka lagu soo waramayaa in goobihii
lagu dagaalamay wali ay ka jiraan xiisad dagaal, waxaana ilaa
iyo hada aan la’ogayn qasaaraha dhabta ah ee ka dhashay
dagaalkaasi.
Xaafiiska Wararka warlalis.com
Muqdisho
(