Saraakiil
iyo dhaqaatiir ka tirsanaa Al Shabaab oo lagu dilay duqeymo
Iyadoo duqeymo xoog leh diyaarado
dagaal oo aan la’aqoon cidda iska leh ay ka gaysateen
Saldhig Militari oo ayAl Shabaab ku
leeyihiin deegaanka Buulo-Xaaji ee goblkada Jubbada hoose
ayaa waxaa faah faahin dheeraad ah ay kasoo baxaysaa qasaarihii
ka dhashay duqeyntaasi.
Warar lagu kalsoon yahay oo laga
helay Magaalo Xeebeedka Kismaayo oo ku dhow goobta ay duqeynto
ka dhacday ayaa waxaa ay sheegayaan in aay geeriyoodeen 20-ruux
oo isugu jirta dagaalyahano, Saraakiil iyo dhaqaatiir ka tirsan
Xarakada Al Shabaab sida ay xaqiijiyeen dadka deegaanka ah.
Sidoo kale wararku waxa ay tilmaamayaan
in duqeyntaasi ay sababtay geerida hal ruux oo rayid ah iyo
dhaawca labo kale, iyadoo ilaa iyo haatan aysan jirin cid
sheegatay Mas’uuyidda duqeyntii diyaaradeed ee loo gaystay
deegaanka lagu magacabo Buulo-Xaaji ee gobolka Jubbada hoose.
Goobta la duqeeyay ayaa waxa
Xarakada Al Shabaab ay u aheyd meel ay ku dabiibaan dhaawacyada
dagaalyahanadooda sida ay inoo sheegeen ilo ku dhow dhow goobta
lala dhacay duqeymaha.
Majiro wax war ah oo kasoo baxay
Al Shabaab oo ku aadan duqeymahaasi inkastoo arintaani la
tilmaamo inay qeyb ka tahay howlgallada ka dhanka ah Al Shabaab.
Xaafiiska Wararka Warlalis.com
Muqdisho
(