Wefdi
isugu jira Wasiiro, xildhibaano iyo saraakiil ka tirsan dowlada
KMG Somalia oo ka degay Belad weyne gobolka Hiiraan.
Wafdi balaaran oo ka socda dowlada KMG Somalia
ayaa saaka ka dhoofay garoonka dayuuradaha Aadan cadde ee
magaalada Muqdisho, iyagoo gaaray magaalada Beled weyne ee
xarunta gobolka Hiiraan sida wararka halkaas naga soo gaaraya
ay sheegayaan.
Wafdigan ayaa waxaa hogaaminaya
C/llaahi Goodax Barre oo ah wasiirka qorsheynta iyo xiriirka
Caalamiga ah ee dowladda KMG Somaaliya, waxaana mar wasiirku
uu saxaafadaa kula hadlay garoonka dayuuradaha Muqdisho uu
sheegay in socdaalkoodu uu la xiriiro qiimeynta xaalada B/weyne.
“Safarka aan ugu ambabaxeyno
magaalada B/weyne ujeedooyin badan ayuu xambaarsan yahay waxa
ka mid ah sidii bulshada ugala soo taashan laheyn maamul loo
sameeyo gobolkaas iyo sidii amaanka loo sugi lahaa waxaana
rajeynaynaa inaan ku soo guuleysan doono arimahaas” ayuu
intaa ku daray C/llaahi Goodax Barre.
Wasiirka ayaa sheegay in xaalada
magaalada B/weyne ay hada tahay mid wanaagsan oo soo ku soo
noqotay gacanta dowlada KMG Somalia, waxaana ugu baaqeynaa
heyadaha samafalka iney gargaar la gaaraan dadweynaha halkaas
ku dhaqan oo muddo sanado ah aan helin wax gargaar ah”
ayuu hadalkiisa ku soo xiray C/llaahi Goodax Barre oo ah wasiirka
qorsheynta iyo xiriirka Caalamiga ah ee dowladda KMG Somaaliya.
Socdaalka wafdigan ka tirsan
dowlada KMG ay ku tageen magaalada B/weyne ee gobolka Hiiraan
ayaa ku soo aadaya xili uu jahwareer ka taagan yahay maamulka
magaaladaas ka dib markii uu soo baxay loolan u dhexeeya madaxda
maamulka dooxada Shabelle iyo kuwa ahlu sunna oo dagaal arimhaas
la xiriira uu halkaas ku dhexmaray, iyadoo ciidamada Itoobiya
ee suurala geliyey in B/weyne laga saaro Al-shabaab ay qaati
ka joogan maamuladan is heysa.
Xaafiiska Wararka Warlalis.com
Muqdisho
(