Ahlusuna Wal-jamaaca Gobolada dhexe oo sheegtay in Shirkii Garoowe uu ahaa mid aysan ka wada qayb galin dhinac yadii horay uga qayb galay shirkii ka dhacay Muqdisho .

Ahlusuna Wal-jamaaca Gobolada dhexe oo sheegtay in Shirkii Garoowe uu ahaa mid aysan ka wada qayb galin dhinac yadii horay uga qayb galay shirkii ka dhacay Muqdisho.

Gudoomiyaha fulinta Culumaa’udiinka Ahlusuna Wal-jamaaca Gobolada dhexe Sheekh Maxamed Yuusuf Xeefow ayaa daboolka ka qaaday inaanu aqoomsaneyn qodobadii ka soo baxay shirkii wadatashiga ahaa ee dhawaan wejigiisii labaad lagu soo gabagabeeyay magaalada Garowe ee xarunta Gobolka Nugal.

Sheekh Xeefow oo u waramayay mid ka mid ah idaacadaha madaxa banaan ee ka howlgala magaalada Muqdisho ayaa ku tilmaamay shirkii Garowe mid aan xalaal aheyn isla markaana aanu mira dhali doonon qodobadii ka soo baxay.

Gudoomiyaha ayaa sheegay in shirkaasi uu ahaa mid aysan ka wada qayb galin dhinac yadii horay uga qayb galay shirkii ka dhacay muqdisho oo ay ka mid tahay Ahlu suna wal jamaaca, waxanaa uu wax laga xumaado ku tilmaamay in Baarlamaanka soo socda lagu soo dhiso 4.5 oo ah mid aan waafaqsaneyn Shareecada Islaamka sida uu hadlaka u dhigay.

Hadalka Gudoomiyaha Fulinta Ahlusuna wal-jamaaca ayaa waxaa uu imaanyaa xili laba maalin ka hor lagu soo gabagabeeyay magaalada Garowe shirkii wadatashiga ahaa dhinacyada Soomaalda ay uga tashanayeen aayaha Somaaliya, waxaana qodobadii ka soo baxay kulankaasi la soo dhaweeyay halka qaar kalena ay dhaliileen.

 

 

Xaafiiska wararlalis.com Guriceel