10-ka bishaan
oo la sheegay in la xirayo wadooyinka Muqdisho
Agaasimada wasaarada arrimaha gudaha iyo amniga Xukuumadda
KMG Soomaaliya Bashir Goobe ayaa waxa uu sheegay in wixii
ka dambeeya 10-ka bishaan ay si KMG- ah u xirayaan waddooyinka
ugu muhiimsan magaalada Muqdisho oo ay ka mid ah wadada Maka
Al Mukarama iyo wadada isku xirta Dekada ilaa KM4.
Bashiir Goobe ayaa waxa uu hadalkaani ka jeediyay Kulan ay
maanta ku yeesheen magaalada Muqdisho gudiga amniga kaasi
oo ay goobjoog ka ahaayeen, Taliyaha ciidanka XDS, agaasimaha
hay'adda nabadsugida, Guddoomiyaha gobolka Banaadir iyo Saraakiil
kale, waxaana wasiirka uu sheegay in sababta loo xirayo wadooyinka
ay tahay shirarka ka dhacaya Muqdisho ee dowladda cusub lagu
soo dhisayo.
Kulanka oo uu ahaa mid looga hadlayay sidii loo adkeyn lahaa
amaanka magaalada Muqdisho maadaama dhowaan ay bilaabanayaan
shirar muhiim ah oo looga arrinsanayo marxaladda KMG ah.
Wasiirka wasaaradda arrimaha gudaha iyo amniga qaranka C/samad
Macalin Maxamuud oo ka hadlay kulanka ayaa sheegay in magaalada
aanan lagu wadan Karin hub aan sharciyeysneen waxa uuna shirkadaha
iyo NGO-yada ku wargeliyay in ay isa soo diwaan geliyaan.waxaana
uu shacabka ka codsatay in ay ciidamada kala shaqeeyan amaanka
ayna soo sheegaan waxa ay u arkaan in ay amaanka lidi ku yihiin
Inkastoo dowladda ay wado dadaal dhinaca amaanka ah hadana
waxaa jira cabashooyin durba kasoo baxeysa dadka shacabka
ah oo sheegay in arrintaasi ay saameyn ku yeelan karto inay
fushadaan adeegyadooda gaarka ah.
