2 ruux oo ku dhintay shil ka dhacay Sh/hoose

Wararka ka imaanaya gobolka Sh/hoose ayaa sheegaya in Shil gaari oo gaystay qasaaro isugu jira dhimasho iyo dhaawac uu saacadihii u dambeeyay ka dhacay wadada dheer ee xiriirisa inta u dhaxeysa Buurhakaba iyo Wanlaweyn ee gobolka Sh/hoose.

Gaariga shilka galay oo ahaa Hoomey, ayaa ku rogmaday Deegaanka Jiiro-kuuloow ee u dhaxeysa Deegaannada Buurhakaba iyo Baydhabo, iyadoo halkaasi ay ku dhinteen 2-ruux halka 7-kalena ay ku dhaawacmeen sida uu Warlalis u sheegay qof goobjoog ah.

Dadkii ku dhaawacmay shilka ayaa loola soo cararay Magaalada Muqdisho, waxaana goobjoogayaal ay sheegeen in dadka shilka galay ay u gurmadeen dadka deegaanka ah.

Shilkaani ayaa waxa uu qeyb ka yahay kuwa inta badan ka dhaca gobolada dalka, iyadoo inta badan loo aneeyo Darawallada Gaadiidka oo ah kuwa aan qibrad u laheyn ka xeynta Gaariga iyo kuwa kale ee aan Mas’uuliyadda iska saarin Rakaabka ay wadaan.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden