4/ta-October
maalin xusid mudan (Warbixin)
Maanta oo kale taariiqda marka ay ahayd 4-tii October sanadkii
2011
waxaa ka dhacay Xarunta Hargaha iyo saamaha ee magaalada Muqdisho
qaraxa ismiidaamin ah kaasi oo lala eegtay afaafka hore ee
Xarunta oo
ku taalla inta u dhaxeysa Isgoyska KM4 ilaa Isgoyska Banaadir
ee
magaalada Muqdisho./
Xarunta waxaa daganaa qaar ka mid ah Wasaaradaha dowladii
KMG ahayd
iyadoo xiliga uu dhacayay qaraxa halkaasi imtixaan looga qaadayay
ardey ka kala timid meela badan oo Soomaaliya ka mid ah kuwaasi
oo
deeq wax barasho ka helay dowladda Turkiga,.
Gaari noociisa uu yahay UD oo ay saarnaayeen waxyaabo qarxa
iyo
fuustooyin shidaal oo ay ku jiraan waxyaabo Kiimiko ah ayaa
qaraxa
lagu fuliyay iyadoo taasi ay keentay in qaraxa weyn uu ka
dhasho
Xarunta kaasi oo gilgilay magaalada Muqdisho oo idil islamarkaana
gaystay qasaaro nafeed iyo burbur soo gaara Dhismaha Xarunta.
Inta la xaqiijiyay qaraxaasi waxaa ku dhintay dad tiradooda
ay
gaarayso 70 ruux, iyadoo ilaa 100 ruux ay ku dhaawacmeen kuwaasi
oo
ahaa dad rayid ah haba ugu badnaadeene ardeydii ku sugnayd
halkaasi ee
wax barashada u aaadi lahaa wadanka turkiga.
Dadka geeriyooday ayaa jirkooda si aad ah u go'go'ay halka
kuwii
dhaawacmayna ay qaarkood gubteen kuwaasi intooda ugu daran
loo fidiyay
gargar caafimaad oo dhanka dibadda ah, iyadoo wali ay jiraan
dad aan
wali dhaawacii kasoo gaaray weerarka aan ka kabsan.
Al Shabaab oo sheegtay Mas'uuliyada weerarkaasi ayaa waxa
ay sheegeen
inay ku dileen qaraxaasi dad sirdoon ah iyo askar ka tirsan
dowladda
oo tababar loogu qaadayay dalka dibadiisa, iyaga oo meesha
ka saaray
in wax dad rayid ah ay meesha ku dhinteen.
Qeybaha kala duwan ee bulshada Soomaaliyeed dal iyo dibad
ayaa aad u
cambaareeyay weerarkaasi oo ku tilmaamay mid waxuushnimo ah.
Weerarkaani isqarxinta iyo weerarkii ka dhacay Hoteelka Shaamoow
ee
lagu dilay ardey qalanjabineysay ayaa waxaa uu mahadho ku
reebay Umada
Soomaaliyeed oo maalmahaani si gaar ah u xasuusta una xusa,
waxaana ka
dhashay naceybkii loo qaaday Al Shabaab oo ka dambeeyay qaraxyadaasi
inay ka baxaan meelo badan oo Soomaaliya ka mid ah .
