Ahlu
sunna oo gacanta ku dhigtay 6 ruux oo eedeysanayaal ah
Madaxa Garsoorka Ahlu Sunna Waljamaaca Sheekh Saciid Muxumad
C/raxmaan ayaa waxa uu sheegay inay gacanta ku hayaan 6 ruux
oo ku eedeysan in dil ay ka gaysteen deegaanka Mareerguur
ee hoostaga magaalada Dhuusamareeb.
Sheekh Saciid Muxumad C/raxmaan ayaa waxa uu sheegay in dadkaasi
uudan ku cadeyn dambiga ah dilka waxana uu soo qabashadooda
sheegay inay gacan ka gaysteen Odayaasha beelaha ay kasoo
jeedaan iyo Eheladooda.
Heshiis dhexmaray Odayaasha beelaha dadka laga dilay iyo
kuwa wax dilay ayaa waxa uu sheegay Madaxa Garsoorka Ahlu
Sunna in uu ahaa in sharciga la marsiiyo dadkaani la hayo
marka lagu helo dambiga.
Dilalka salka ku haya aanooyinka qabiil ayaa kusoo badanayay
maalmihii dambe gobolka Galgaduud, iyadoo dadka dilka gaystay
kuwa la xukumay qaarna lagu raadjoogo.