Ciidamada dowladda oo soo furtay dad dhaawac ah

Ciidamada dowladda ayaa Xarakada Al Shabaab kasoo furtay dad dhaawac ah kadib weerar ay ku qaadeen deegaan lagu hayay dadkaasi oo hoostaga magaalada Garbahaareey ee gobolka Gedo.

Weerar ciidamada dowladda ay ku qaadeen maanta tuulo lagu magacaabo Bura oo ku taalla duleedka magaalada Garbahaareey ee gobolka Gedo ayaa waxa ay kusoo badbaadiyeen dad ku dhaawacmay halkaasi oo ay rasaas ay ku fureen Xarakada Al Shabaab.

Dadka dhaawacmay oo ahaa ganacsato qaad ama Jaad oo lagu rasaaseeyay gaari ay wateen ayaa waxa ay ciidamada intii ay kasoo furanayeen Al Shabaab ka dhacay deegaanka iska horimaad mudo kooban socday.

Iska dhaca kadib ciidamada dowladda waxaa la sheegay inay u suura gashay soo furashada ganacsatadaasi oo tiradooda aan la cadeen kuwaasi oo haatan la geeyay magaalada Garbahaareey oo ay ka taliso dowladda halkaasi oo lagu dabiibayo.

Al Shabaab ayaa waxa ay ka mamnuuceen deegaanada ay ka taliyaan ka ganacsiga qaadka iyo waxyaabaha la midka ah ee maanka dooriya.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden