Nin ka tirsanaa Shabaab oo lagu dilay degmada Kaaraan iyo dhac ka dhacay degmadaasi

Ciidamo ka tirsan dowladda ayaa ku dilay degmada Kaaraan nin la sheegay inuu ka tirsanaa Al Shabaab, iyadoo dhinaca kale kooxo hubaysan ay dhaceen Xawaalad ku taalla isla degmada Kaaraan.

Ciidamo ka tirsan dowladda ayaa waxa ay maanta degmada Kaaraan ee magaalada Muqdisho ay ku toogteen nin lagu eedeeyay inuu ka tirsanaa Al Shabaab sida ay Warlalis u sheegeen dad goobjoogayaal ah.

Ciidamada ayaa sheegay in ninkaani uu ka barbar dagaalamay Al Shabaab qeybna uu ka ahaa dagaaladii ka dhacay Waqooyiga Muqdisho hadana uu ku dhulmaaleysanayay sida ay hadalka u dhigeen degmada.

Dhinaca kale kooxo hubaysan ayaa waxa ay dhac u gaysteen Xawaaladda Hodan Global Xarunteeda degmada Kaaraan kuwaasi oo ka qaatay Xarunta lacag dhan 2,800 oo dollar sida ay xaqiijiyeen dad dhacdadaasi goobjoog u ahaa

Majiro ilo madax banana oo xaqiijinaya in ninka la dilay uu ka tirsanaa Xarakada Al Shabaab, iyadoo dhinaca kale dhawaan ay ahady markii kooxo hubaysan ay dhac u gaysteen Xawaaladda Mustaqbal Xarunteeda degmada Waabari ee magaalada Muqdisho.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden