Taliye loo magacaabay
gobolada dhexe oo baaq jeediyay
Max’ed Jimcaale Cosoble oo dhawaan dowladda
ay u magacaawday Taliyaha booliska gobolada dhexe ayaa waxa
uu ugu baaqay ciidamadii hore ee booliska Soomaaliya inay ka
qeyb qaataan dib u dhiska booliska Soomaaliyeed.
Gaashaanle Max’ed Jimcaale Cosoble oo dhawaan dowladda
ay u magacaawday Taliyaha booliska gobolada dhexe ayaa waxa
uu sheegay inay wadaan qorshe ay dib ugu aas aasayaan ciidamadii
booliska gobolada dhexe , waxaana sidaasi awgeed uu ugu baaqay
Saraakiishii iyo askartii hore ee booliska dowladda ee ah howlgabka
inay dib u howl bilaabaan oo ay ka qeyb qaataan dib u dhiska
dalka iyo ka gudbida dhibaatada haysata Soomaalida.
Gaashaanle Max’ed Jimcaale Cosoble ayaa waxa uu sidoo kale
sheegay in ay diyaar yihiin qalabkii iyo tasiilaadkii ay ku
howlgali lahaayeen ciidamada booliska Soomaaliya, waxaana uu
ka codsaday shacabka inay kala shaqeeyaan dib usoo nooleenta
ciidamada iyo sugida amaanka deegaanada loo igmaday ee gobolada
dhexe.
Gobolada dhexe ee dalka Soomaaliya hada waxaa maamula Maamulo
kala duwan oo ay ka mid tahay Ahlu Sunna Waljamaaca mana laha
ciidamo hoostaga dowladda, waxaana sidaasi awgeed aan la ogeyn
sida ay ku suura gali karto in dowladda ay nidaamkeeda gaarsiiso
halkaasi.
Xaafiiska Wararka Warlalis.com
