Dhac xooggan
oo ka taaggan magaalada Afgooye ee gobolka Sh/hoose
Xildhibaan ka tirsan barlamanka ayaa sheegay in dhac baahsan
uu ka
taagan yahay degmada Afgooye , iyadoo Maamulka dowladda ee
degmadaasi
uu beeniyay dhaca ka jira Afgooye.
Xildhibaan Cali Sheekh C/laahi Cali Afgooye oo ka mid ah
Mas’uuliyiinta kasoo jeeda gobolka Sh/hoose ayaa waxa
uu sheegay in
dhac baahsan oo ay ka dambeeyaan ciidamada dowladda uu ka
taagan yahay
degmada Afgooye kaasi oo uu sheegay in lagu hayo shacabka
oo laga
qaado lacago canshuur ah lagana dhaco Mobeelada gacanta.
Cali Sheekh C/laahi Cali Afgooye ayaa waxa uu sheegay in wax
ka
qabashada dhaca ka jira degmada Afgooye uu kala hadlay Maamulka
degmada iyo Saraakiisha ciidamada hase ahaatee waxa uu xusay
in aysan
jirin cid wax ka qabatay amaanka degmadana uu faraha kasii
baxayo.
Dhinaca kale Gudoomiyaha degmada Afgooye C/laahi Ideey oo
isna ka
jawaabay eedeynta dhinaca amaanka ee ku wajahan degmada ayaa
waxa uu
sheegay in aysan jirin wax dhac ah oo loo gaysto dadka shacabka
balse
waxa uu xusay in mararka qaar ay dhacaan falal amni daro oo
uu
sheegay in dad loo qabtay kuwa kalana ay ka hortagayaan.
