Askar
oo loo soo xiray tababar
Ciidamo ka tirsan dowladda federaalka Soomaaliya oo gaarayay
500 oo askari ayaa maanta tababar socday mudo bil barkeeda
ah loogu soo gabagabeeyay xerada Daraawiishta ee magaalada
Baydhabo ee xarunta gobolka Baay.
Tababarka oo socday muddo 6 bilood ah ayaa ciidanka loogu
diyaarinayay sidii ay ula dagaallami lahaayeen maleeshiyada
Al-Shabaab, ayna gacan uga geysan lahaayeen sugidda amniga
gobollada Baay iyo Bakool, sida uu sheegay guddoomiyaha gobolka
Baay Cabdifataax Maxamed Ibraahim.
Ciidamada oo ah milateri waxaa tababarka siinayay saraakiil
Soomaali ah oo ka tirsanaa ciidanka xoogga dalka iyo kuwo
Itoobiyaan ah.
Waa tababarkii ugu horreeyay oo ciidamo loogu soo xiro magaalada
Baydhabo tan iyo markii ay dowladdu la wareegtay magaalada
bishii February ee sanadkan.