 |
|
» Benadir » Bulsho » Cadaado » CeelBuur » Dayniile » Deeyoo » Goobjoog » Hiiraan » Hobyonet » Jamaame » Janaale » Nurudin »
nuuruliimaan » Qaamuus |
Shabaab baxsad ah oo lagu xiray Gaalkacyo
Wararka laga helayo magaalada Gaalkacyo ee gobolka Mudug dhinaceeda Waqooyi ayaa sheegaya in rag badan oo ka tirsan Al Shabaab oo ka baxsaday dagaalada ka soconaya koofurta Soomaaliya lagu qabtay halkaasi.
Guddoomiyaha gobolka Mudug ee Puntland, Maxamed Yuusuf Jaamac Tigeey ayaa tilmaamay in howlgalo ay ciidamada maamulka ka sameeyeen waqooyiga magaalada ay ku soo qabteen rag falal amni darro ah ku lug lahaa oo al-Shabaab xiriir la leh kuwaasi oo uu sheegay inay kaga yimaadeen koofurta dalka. Tigeey ma uusan sheegin tirada dadka ku xiran waqooyiga oo ay Puntland ka tiliso iyo koonfurta oo Galmudug ay ka taliso, balse waxa uu xusay inay wada-shaqeyn xagga ammaanka ah la leeyihiin Dhinaca kale, guddoomiyaha gobolka Mudug ee maamulka Puntland ayaa beeniyay warar ay dadka isla dhexmarayeen oo sheegayay in xubin ka tirsan ururka Xisbul Islaam lagu qabtay waqooyiga magaalada Gaalkacyo. Dagaalyahanada Al Shabaab ayaa ku xoogeysanayay mudooyinkii dambe deegaanada Puntland iyaga oo hada maamulo buuraleyda Galgala halkaasi oo dhowr jeer ay ku dagaalameen ciidamada Puntland.
Xaafiiska Wararka Warlalis.com |
