 |
|
» Benadir » Bulsho » Cadaado » CeelBuur » Dayniile » Deeyoo » Goobjoog » Hiiraan » Hobyonet » Jamaame » Janaale » Nurudin »
nuuruliimaan » Qaamuus |
Shabaab oo ka fakaraya halkii ay u baxsan lahaayeen.
Sida uu ku waramay wargeyska the Washinton post ee ka soo baxa magalada caasida ee Washinton saraakiisha sarsare ee xarakada Alshabab gaar ahaan kuwa aan Somalida ahayn sida Cumar Shafiiq Xamami oo loo yaqaan Abuu Mansoor Al-Amriki ayaa wali la tacaalaya halkii ay qaban lahaayeen kadib markii ay gacantooda ka baxday magaalo dekadeedkii Kismayo islamarkaana ay taladoodu ku soo hartay qeybo kooban oo ka mida gobolada koofured ee wadanka Somaliya. “ Ilaa iyo sanadkii 2011 dii Alshabab waxaa ay la kulmayeen dib u dhac weyn oo ku yimaaday ialahooda dhaqaalaha, taageeradii shacabka, iyo hoos u dhac ku yimid sidoo kale dagaalyahanada u badan caruurta oo ay dagaalada u adeegsanjireen, taasina waa waxa sababay in marba magaalo ay lumiyaan, sidaasi waxaa yiri Jey Peter Pham oo ah agaasimaha Golaha lagu magacaabo Atlantic council ee fadhigoodu yahay wadanka Mareykanka. Jay waxaa uu xusay in qaar farabadan oo ka tirsan saraakiisha sarsare ee xarakada Alshabab ay ka fakarayaan sidii ay naftooda u la baxsan lahaayeen badalkii ay abaabuli lahaayeen dagaalo iyo isku dayo horleh oo ay ku soo ceshanayaan dhulfarabadan oo gacantooda awood looga maroojiyay, ragaasi waxaa ka mid ah ayuu yiri Cumar Shafiiq Xamaami oo loona yaqaano Abuu Mansoor Alamriki , Abuu Mansoor oo mar fariin uu soo dhigay boga Yutubeka ku sheegay in nafasdiisa ay qatar ku jirto sababa la xariiro is maandhaaf soo kala dhexgalay isaga iyo dagaalyahanada kale ee ka tirsan xarakada Alshabab ayaa la sheegay in wali uu ku suganyahay gudah wadanka Somaliya qeybaha ay ka joogaan shababka. Wargeyska the Washinton post ayaa tilmaamay in intabadan saraakiisha dagaalada ee Somalida iyo kuwa aanan Somalida ahaynba aya haatan ku sugan yihiin keymaha gobolada koofureed ee Somaliya, lkn wargeyska ayaa tilmaamay in ragaasi aysan duurka ku sii jiri doonin oo si kumeelgaara ay u gabaadsandoonaan, wadamo ay ka mid tahay Yemen iyo Eritrea ayuu sheegay wargeysku in ragaasi ay doonyo u raaci doonaan halkaasi oo ay ku leeyihiin buu yiri saxiibo kale oo ka tirsan Alqacidada jazeerada Carabta ee layiraahdo Arab penzila.
Xaafiiska Wararka Warlalis.com |
