Somaliland oo xukuntay
boqor Buur-madow
Maamulka Somaliland ayaa mudo hal sano oo xarig
ah ku xukumay Boqor Buur-madow oo si weyn looga yaqaano Soomaaliya.
Maxkamada dhexe ee Maamulka Somaliland ayaa waxa ay maanta xukuntay
boqor Maxamuud Ow Buur madoow kaasi oo in mudo ah ku xirnaa
magaalada Hargeysa ugu dambeyntiina maanta Maxkamad lasoo taagay.
Boqorka ayaa waxa ay Maxkamada ku xukuntay 1 sano oo xabsi ah,
iyadoo Maxkamada ku eedeysay in uu boqorka uu meel uga dhacay
Maamulka Somaliland oo intii uu ku maqnaa dalka dibadiisa oo
ka faafiyay hadalo been abuur ah taasi oo sharciga Somaliland
uusan qabin.
Buur-madoow oo caan ka ah Soomaaliya ayaa waxa ay ku kala aragti
duwan yihiin isaga iyo Maamulka Somaliland dhinaca qadiyada
gooni isu taaga Somaliland oo boqorka uu kasoo horjeedo isaga
oo lagu yaqaano in uu jecelyahay Soomaali weyn iyo midnimadeeda.
Xaafiiska Wararka Warlalis.com