Shabab “waa isku mid xasan shiikh iyo madaxdii hore “

War saxaafadeed uu soo saaray afhayeenka Xarakadda Al-Shabab Sh, Cali Max’ud Raage Cali Dheere ayaa waxaa uu ku tilmaamay doorashadii xalay ka dhacday magaalada Muqdisho mid ay wateen gaalo is bahaysatay sida uu yiri kuwaasoo wata qorshayaal gooni ah oo ay Soomaaliya ka leeyihiin.

Sh, Cali Dheere waxaa uu xusay inay qaadaceen sida doorashadu u dhacday waxaana uu tilmaamay in M/weynaha cusub uu yahay shaqsi ay wataan dad dano faraha badan Soomaaliya ka leh.

Dad cadaw ku ah diinta Rabbi ayuu Cali dheere sheegay inay wadeen ol ololkihii lagu doortay M/weynaha Jamhuuriyadda Soomaaliya Prof Xasan Sh, Max’ud.

“Ma jirto wax aynu soo dhaweynayno waa wax cadawgu wato” ayuu ku yiri war saxaafadeedkiisa

In laga guulaysto Sh, Shariif Sh, Axmed ayuu ku tilmaamay Sh, Cali dheere wax la isla ogaa kadib markii laga dan gaaray

Sh, Cali Dheere ayaa war saxafadeedka uu soo saaray waxaa xusay in halkoodii ay kasii socon doonaan dagaalada ay kula jiraan ciidamada dawlada iyo taagerayaashooda AMISOM.

Al-Shabab loogama baran inay taageeraan ama ay soo dhaweeyaan M/weyne la doortay hase ahaatee Xildhibaanada baarlamaanka Soomaaliya ayaa si buuxda Xasan Shiikh u doortay inuu noqdo Mweynaha Soomaaliya mudada 4 sano ah ee soo socota

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden