Ciidamo
ka tirsan dowladda oo ku dagaalamay Hodan maxay tahay sababta
Hal ruux ayaa dhintay labo kalana waa ay dhaawacmeen kadib
markii Iska
horimaad sababay qasaaro dhimasho iyo dhaawac uu maanta ka
dhacay
degmada Hodan ee magaalada Muqdisho.
Geerida ruuxaani oo ahayd haweeney iyo dhaawaca labadaani
kale oo ahaa
dad rayid ah ayaa ka dambeeyay kadib markii Iska horimaadkaani
oo u
dhaxeeyay ciidamo ka tirsan booliska Saldhiga degmada Hodan
iyo
ciidamo Milatari ah uu ka dhacay Xaafadda Taleex ee degmada
Hodan.
Dad goobjoogayaa ah ayaa u sheegay Warlalis in Isku dhaca
labada
dhinac uu yimid kadib markii booliska Hodan iyaga oo wada
3 ruux oo ay
kusoo qabteen falal amni daro ay dagaal kala kulmeen ciidamada
Milatariga kuwaasi oo ka furtay ciidanka kale ragii ay gacanta
ku
hayeen.
Haweeney geeriyootay oo dawarsata waxaa jiiray gaari ka qalqalay
rasaasta ciidamada, waxaana sidoo kale dhaawacmay labo kale
kuwaasi oo
ah dad rayid ah islamarkaana mid ka mid ah uu ku dhaawacay
gaari kale
oo marayay halka uu iska horimaadka ka dhacay ee Xaafadda
Taleex.
Ciidamada booliska Hodan ee la weeraray ayaa waxaa la sheegay
inuu
watay Taliyaha booliska degmada Hodan kaasi oo xiriir aan
la sameynay
ay inoo suura gali weyday in aan helno.
