Dagaal
culus oo ka dhacay deegaano hoostaga Baardheere
Dagaal u dhaxeeyay ciidamada dowladda iyo Xarakada Al Shabaab
oo aysan
cadeen qasaaraha ka dhashay ayaa waxa uu ka dhacay deegaano
hoostaga
magaalada Baardheere ee gobolka Gedo.
Dagaalka ayaa waxa uu yimid markii ciidamada dowladda ay weerar
ku
qaadeen deegaan lagu magacaabo Takar oo ku dhow magaalada
Baardheere
ee gobolka Gedo sida ay inoo xaqiijiyeen dad deegaanka ah.
Weerarkaasi ayaa waxaa ka dhashay dagaal xooggan oo dowladda
iyo Al
Shabaab ku dhexmaray deegaanka kaasi oo la isku adeegsaday
hub culus
iyo mid fudud intaba, waxaana ciidamada dowladda la sheegayaa
inay
qabsadeen Meel lagu magacaabo Juungal oo ku dhow Baardheere.
Barakac ay sameynayaan dadka ayaa lasoo waraniyaa inuu ka
soconayo
magaalada Baardheere kuwaasi oo ka baqdin qaba qasaaro kasoo
gaara
dagaalka hadii gudaha magaalada Baardheere uu gaaro.
Magaalada Baardheere hadii ay qabsato dowladda waxa ay dhabar
jab ku
tahay Al Shabaab oo magaaladaasi ay u tahay istaraatiiji maadaama
magaaladaasi ay xad la leedahay Jubooyinka.
