Cali dheere: "dib ayaan u qabsaneynaa Kismaayo"

Afhayeenka Xarakada Al Shabaab Sheekh Cali Maxamuud Raage Cali dheere
ayaa waxa uu ka hadlay waxa uu yahay qorshahooda mar hadii ay ka
baxeen magaalada Kismaayo oo ay gacanta ku dhigeen ciidamada huwanta
ah ee Soomaaliya iyo kuwa Kenya.

Cali dheere ayaa sheegay in markii horaba aysan jirin cid ka saartay
Kismaayo oo ay iyaga isaga baxeen hadana ay awood u leeyihiin inay ka
saaraan ciidamada oo ay dib u qabsadaan taasina waxa uu sheegay inayba
tahay sababta ay uga baxeen Kismaayo oo uu ku sheegay xeelad dagaal oo
ay ku doonayaan inay qasaaro ku gaarsiiyaan ciidamada Kenya.

Afhayeenka Xarakada Al Shabaab ayaa waxa uu sheegay in waxa Kenya ay
u qabsatay magaalada Kismaayo ay tahay inay baneesato qeyraadka iyo
dhulka Soomaaliya balse waxa uu sheegay in taasi aysan soconeynin oo
ay beegsan doonaan askarta Kenya si ugu dambeyn ay ugu qasbaan inay
dib ugu laabtaan dalkooda, isaga oo ugu baaqay shacabka inay kacaan oo
ay la dagaalamaan waxa uu ku sheegay cadowga kusoo duulay dalkooda.

Al Shabaab ayaa baneeyay magaalooyin badan oo Soomaaliya ay ka
maamulayeen, waxaana ay u muuqdaan Shabaab kuwa uu daadka qaaday.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden