Shir looga hadlayo dib
u qabsashada Ceelbuur oo ka soconaya Dhuusamareeb
Culumaa’udiinka Ahlu Sunna Waljamaaca ayaa
Shir looga hadlayo sidii ay dib ula wareegi lahaayeen degmada
Ceelbuur waxa ay ku leeyihiin degmada Dhuusamareeb.
Shirkaani oo looga hadlayo amaanka deegaanada ay ka taliso Ahlu
Sunna Waljamaaca ee gobolada dhexe ayaa waxa uu ka soconayaa
magaalada Dhuusamareeb ee gobolka Galgaduud, iyadoo ay ka qeyb
galayaan Mas’uuliyiin ka tirsan Ahlu Sunna.
Gudoomiyaha Golaha fulinta Ahlu Sunna Sheekh Max’ed Yuusuf
Xeefoow ayaa u sheegay Saxaafadda in kulankaani waxyaabaha looga
hadlayo ay ka mid tahay sidii ay dib ula wareegi lahaayeen deegaanadii
ay isaga baxeen oo ay ka mid tahay magaalada Ceelbuur.
Xeefoow ayaa sheegay in sidoo kale ay ka doodayaan xasilinta
amaanka magaalooyinka gobolka iyo sidii isbadal aan horay loo
arag loogu sameen lahaa dhinca amaanka oo uu sheegay in wax
badan ay ka badali doonaan.
Shirkaani waxa uu imaanayaa iyadoo ciidamada Ahlu Sunna iyo
Ethiopia ay isaga baxeen dhawaan magaalada Ceelbuur iyo deegaanka
Wabxo halkaasi oo hada ay maamulkooda la wareegeen Al Shabaab.
Xaafiiska Wararka Warlalis.com
