Dilal
qoshesan oo ka dhacay degmada Huriwaa ee Muqdisho
Kooxo hubaysan ayaa dad rayid ah dil iyo dhaawac ugu gaystay
Xaafadda Suuqa Xoolaha ee magaalada Muqdisho.
Xaafadda Suuqa Xoolaha ee degmada Huriwaa ee gobolka Banaadir
ayaa kooxo hubaysan waxa ay ku dileen maanta 2 ruux iyaga
oo dhaawacay mid kale kuwaasi oo ahaa dad rayid ah sida ay
xaqiijiyeen Ehelada mid ka mid ah dadka la dilay.
Wiil la dhashay mid ka mid ah dhalinyarada la dilay ayaa sheegay
in dilka ay fuliyeen labo nin oo ku hubeysnaa bastoolado oo
cimaamado kusoo xirtay wajiyada, isaga oo sheegay in uusan
garaneyn sababta loo beegsaday dadkaani oo uu sheegay in aysan
qeyb ka aheyn dhinacyada is haya.
Ciidamo isugu jira boolis iyo Milatari ayaa gaaray halka uu
dilka ka dhacay kuwaasi oo wada baaritaano lagu xaqiijinayo
amaanka islamarkaana lagu baadi goobayo kooxahaha hubaysan
oo markiiba baxsaday.
Degmada Huriwaa oo dowladda ay kala wareegtay Al Shabaab markii
ay ciidamadooda ka baxeen magaalada ayaa waxaa ka dhaca dilal
qorsheysan oo ay sii dheertahay weeraro dhowr jeer oo hore
lagu qaaday Gudoomiyaha degmadaasi Cumar Jacfaan.
