QM oo ka hadashay dilkii Abwaan Warsame Shire

Isaga oo la hadlayay Qaar ka mid ah Wakaaladaha Caalamka Wakiilka
gaarka ah ee xoghayaha guud ee Qaramada Midoobay u qaabilsan
Soomaaliya, Augustine Mahiga ayaa waxa uu cambaareeyay dilkii habeen
ka hor magaalada Muqdisho loogu geystay Alle ha u naxariistee abwaan
Warsame Shire Cawaale oo ka mid ahaa howlwadeennada idaacadda Kulmiye.

War saxaafadeed kasoo baxay xafiiska Mahiga ayaa lagu sheegay in uu
caalamku ka walaacsan yahay dilalka isa soo taraya ee loo geysanayo
suxufiyiinta Soomaaliyeed iyo in aanay ilaa iyo hadda jirin cid loo
xiray ama loo dabagalay dilalkaas.

“Sanadkan waxa uu noqonayaa sanadkii la dilay tiradii ugu badneyd ee
weriyeyaal iyo dad ka howlgalayay qalabka warbaahinta Soomaaliya” ayuu
yiri Mahiga oo intaa raaciyay in dilka abwaan Warsame uu tirada
weriyeyaasha la dilay ka dhigay 18 qof.

Danjire Mahiga ayaa tacsi u diray ehalada iyo saaxiibbada uu ka
geeriyooday Abwaan Warsame Shire Cawaale.

Maxamed Max’ud Tuur yare oo ka tirsanaa Idaacadda Shabelle ayaa la
dilay ka hor dilka Abwaan Warsame waana talaabo muujineysa korarka
dilalka Saxafiyiinta.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden