Dowladda oo beenisay eedeyn
loo jeediyay
Taliska Milatariga dowladda ayaa waxa uu iska
fogeeyay eedeyn loo jeediyay oo ku aadanady inay gubeen Xarun
Isbitaal oo ku taalla deegaanka Ceelasha biyaha.
Taliyaha gaaska labaad ee ciidamada Milatariga dowladda KMG
Soomaaliya Jen. C/laahi Cismaan Cageey oo la hadlay Saxaafadda
ayaa waxa uu beeniyay eedeyn loo jeediyay ciidamada oo ahayd
in ay ka dambeeyeen Xarun Isbitaal oo lagu gubay deegaanka Ceelasha
biyaha ee duleedka Muqdisho.
Cageey ayaa sheegay in ciidamadooda aysan ka dambeyn gubitaanka
Xaruntaasi oo uu sheegay in aysan u dhaweyn halka ay ku taalo
ciidamo dowladda ah islamarkaana aysan garaneynin cida ka dambeysa
arrintaasi.
Taliyaha ayaa dhinaca kale mar uu soo hadal qaaday amaanka deegaanka
Ceelasha biyaha iyo deegaanada kale ee ku yaalla inta u dhaxeysa
Muqdisho iyo Afgooye waxa uu sheegay in amaanka deegaanadaasi
ay haatan soo wanaagsanaanayaan la iskuna haleen karo.
Shalay ayey ahayd markii rag sheegtay Maamulka Xarunta Isbitaalka
ee lagu gubay Ceelasha biyaha waxa ay ku eedeeyeen ciidamada
dowladda inay gubeen Xaruntaasi oo aysan kala cadeen waxa dhaliyay
gubisteeda.
Xaafiiska Wararka Warlalis.com
