Eedeyntii
Kenye ee Shariif iyo Aqoonyahan ka hadlay
Wasiirka arrimaha dibbadda Kenya Sam Ongori ayaa ku eedeeyay
M/weynihii hore ee Soomaaliya Sh, Shariif Sh, Axmed inuu ka
dambeeyay qaraxyadii ismiidaaminta ahaa ee dhawan ka dhacay
hotel uu daganaa M/weynaha cusub ee Soomaaliya prof Xasan
Sh, Max’ud.
Hadal uu warbaahinta ku siiyay Magaalada Nairobi ee xarunta
wadanka Kenya ayaa waxaa uu sheegay inay jirto tuhun ay dawladiisu
ka qabto in qaraxyadii ismiidaaminta ahaa ee ka dhacay Hotelka
Al-Jaziira oo garoonka Aadan Cadde u dhaw.
Som Ognari wasiirka arrimaha dibbadda Kenya waxaa uu xusay
in ka hor intaysan dhicin doorashadii madaxtinimada uu soo
wacay Sh, Shariif weydiistana in lagu taageero hase ahaatee
ay taasi ka dhago adeygeen.
“Tuhunka ugu badan waxaanu ka qabnaa in qaraxyadasi Sh,
Shariif ka dambeeyay oo wuxuu doonayay inuu dilo M/weynaha
iyo xubnihii aan hogaaminayay”
Wasiirka arrimaha dibbadda Kenya sooma uusan soo bandhigin
cadeymo hase ahaatee waxaa uu intaa ku daray inay baaritaano
wadaan.
Mid ka mid ah Aqoonyahanada Soomaaliyeed pro Max’ud Guure
oo la hadlay Warlalis ayaa waxa uu sheegay in hadalka wasiirka
uu yahay mid halis ku ah amaanka Soomaaliya oo colaad abuuri
kara, waxaana uu sheegay in hadalkaasi uusan aheyn mid la
dhayalsan karo, isaga oo sheegay in aan la dhihi karin qaraxaasi
waxaa ka dambeeya Shariif maadaama uu sheegay inay sheegteen
Al Shabaab.
Xarakadda Al-Shabab ayaa sheegatay qaraxyadii ka dhacey Hotelkii
uu daganaa M/weynaha cusub ee Soomaaliya ka hor inta uusan
madaxtooyada u wareegin
