Ganacsatada oo loogu baaqay
inay dhimaan qiimaha maciishada
Wasaaradda ganacsiga iyo warshadaha ee xukuumadda
KMG ah ee Soomaaliya ayaa ugu baaqday ganacsatada in ay dhimaan
qiimaha maciishadda maadaama la gelayo bisha Ramadan ee fadliga
iyo Kheyrka badan.
Isaga oo la hadlay Websetka Warlalis C/wahaab Ugaas Xuseen oo
ah Wasiirka wasaaradda Ganacsiga iyo Warshadaha ayaa ka dalbaday
Ganacsatada Soomaaliyeed in ay u naxariistaan shacabka tabaaleeysan
marka la gaaro bisha Barakeysan ee Ramadaan oo qiimaha maciishada
ay hoos u dhigaan.
Wasiirka ayaa waxa uu sheegay in xasanaad badan ay ka helayaan
ganacsatada hadii adhimaan qiimaha maciishadda isla markaana
ay afuriyaan shacabka Sooman ee danyarta ah kuwaasi oo uu sheegay
in ayan jirin wax ay haystaan oo ay kaga gudbaan bisha Barakeyan
ee Ramadaan.
Hadalka Xukuumadda ayaa waxa uu imaanayaa Iyadoo ay soo dhawdahay
bisha Barakeysan ee Ramadaan dhaqankuna uu yahay in wax la bixiyo.
Xaafiiska Wararka Warlalis.com
