Dowladda
oo maamul u magacaawday gobolka Galgaduud
Wasaaradda arrimaha gudaha iyo amniga Xukuumadda KMG ayaa
maanta Maamul cusub oo hoostaga dowladda u magacaawaday gobolka
Galgaduud.
Munaasabad ka dhacday magaalada Muqdisho oo ay soo qaban qaabisay
Wasaaradda arrimaha gudaha Xukuumadda ayaa waxa ay dowladda
Maamul ugu magacaawday gobolka Galgaduud kaasi oo iyada hoos
tagi doona xili Maamulo kala duwan ay ka jiraan gobolka.
Mas’uuliyiinta la magacaabay ayaa waxaa ka mid ah Axmed
Yuusuf Xasan oo loo magacaabay Gudoomiyaha dowladda ee gobolka
Galgaduud, Macalin Cabdi Raxmaan Geedo qoroow oo loo magacaabay
Gudoomiyaha Dhuusamareeb iyo sidoo kale Cismaan Ciise Taardhuleed
oo loo magacaabay Gudoomiyaha degmada Guriceel sida uu ku
dhawaaqay Agaasimaha wasaaradda arrimaha gudaha Xukuumadda
Bashiir Goobe.
Mas’uuliyiinta la magacaabay ayaa waxa ay ka tirsanaayeen
Maamulka Ahlu Sunna Waljamaaca oo ay uga magacaabanaayeen
deegaanada hada ay dowladda u magacaawday, waxaana tani ay
ka dhigan tahay in Mas’uuliyiintaasi ay hada si toos
u hoostagayaan dowladda.
