 |
|
» Benadir » Bulsho » Cadaado » CeelBuur » Dayniile » Deeyoo » Goobjoog » Hiiraan » Hobyonet » Jamaame » Janaale » Nurudin »
nuuruliimaan » Qaamuus |
Gudoomiyihii hore ee Baarlamaanka Soomaaliya Shariif Xasan Sheekh Aden oo haddana ah mid ka mid ah saxiixayaasha Road mabka iyo wakiilka qaramada midoobay Amb. Mahiga ayaa la sheegayaa inuu dhex maray heshiis dhigaya in Amb. Mahiga uu kala shaqeeyo Shariif Xasan sidii uu mar u noqon lahaa Madaxweynaha Soomaaliya. Heshiiskaas ayaa la sheegayaa inuu Shariif Xasan uu isna dhinaciisa ku balan qaadey in hadii uu ku guuleysto inuu noqdo madaxweynaha Soomaaliya uu ku taageeri doono Amb Mahiga lacag gaaraysa 30 Milyan oo Doolar, lacagtaas oo la sheegay in Amb Mahiga uu qorsheynayo inuu ku galo Doorashada Madaxweynanimada Dalka Tansaaniya, maadaama madaxweynaha hadda xilka haayo ay u dhamaanayso labadiisa jeer ee uu tartami karo, doorashadaas ayaa dhici doonto 2015-ka sanadka marka uu yahay. Amb Mahiga ayaa ah ninkii ka danbeeyay in dalka Soomaaliya loo sameeyo koox ka kooban 6 qof oo loogu yeero saxiixayaasha, kooxdaas oo aan lahayn awood gaar ah oo ay uga duwan yihiin siyaasiyiinta kale ee Soomaaliya, sidoo kale wakiilka UN-ka wuxuu ku guuleystay inuu ka taqaluso Baarlamaanka Soomaaliya, isaga oo socodsiiyey heshiiska lagu magacaabo Road Mabka , heshiiskaan oo aan la horgeynin Baarlamaanka soomaaliya. Odoyaasha dhaqanka Soomaaliyeed oo horey Amb. Mahiga iyo saxiixayaashu ugu sheegeen inay yihiin dadka iska leh go’aanka umadda Soomaaliyeed ayaa iyagiina hadda ay ka soo yeertay qeylo iyagoo sheegay in si cadaan ah qaar ka mid ah saxiixayaashu u dhaheen odoyaasha dhaqanku soo jeedin uun bey leeyihiin ee go’aan malahan, arintaas oo la sheegayo inuu gadaal ka riixayo Madaxweynaha Rasmiga ah ee Dalka Soomaaliya Amb. Mahiga, odoyaasha dhaqanka Soomaaliyeed ayaa sidoo kale si hoose u sheegay inaysan xor aheyn, aysana arki karin cid aan aheyn madaxda dawladda, iyaga oo sheegay in hadda arintu u egtahay inaysanba madax banaani haysan. Heshiiskaan ay wada galeen labada nin ee kala ah Shariif Xasan sheekh Aaden iyo Amb. Mahiga ayaa ilaa hadda dhaqangelintiisu u socotaa sidii loogu talo galay, iyada oo Shariif Xasan uu yahay ninka kaliya ee madaxbanaani aan caadi ahayn loo siiyey inuu isaga kaligiis soo xulo odoyaasha dhaqanka ee ka soo jeeda Beelaha Digil iyo Mirifle. Shariif Xasan sheekh Aaden ayaa la sheegayaa isaga oo isku qaba kalsooni aan caadi ahayn uu sheegay in siyaasiyiinta ka soo jeeda Beelaha Digil iyo Mirifle oo aan isaga ku siyaasadda aheyn aysan soo geli doonin Baarlamaanka Cusub, siyaasiyiintaas oo la sheegay inay ka midka yihiin Gudoomiyihii hore ee Baarlamaanka Sheekh Aden Madoobe, Gudoomiyihii garab kamid ahaa Baarlamaanka Madoobe Nuunoow, wasiirkii hore ee Gaashaandhiga Cabdixakiin Fiqi, Sheekh Nur Ali Aden iyo Cabdicasiis Laftagareen oo iyagana la sheegay inay galeen tartankii doorashada gudoonka Baarlamaanka kadib markii Baarlamaanka soomaaliya uu cod khilaaf laga keenay ku tuuray Shariif Xasan. Si kastaba ha ahaatee Shariif Xasan Sheekh Aden ayaa ilaa iyo hadda wuxuu ahaa ninka kaliya ee siyaasadda kusoo guuleysanayey ilaa iyo intii uusoo galay siyaasadda, iskudaygaan ugu danbeeya oo uu ku doonayo inuu ku noqdo Madaxweynanimada dalka Soomaaliya ayaan la ogeyn sida uu ugu guuleysan doono maadaama awood qeysiga dalka ay inta badan beeshiisu qaadan jirtay Gudoonka Baarlamaanka. Shariif Xasan ayaa sheegay in Beesha Digil iyo Mirifle aysan isku soo sharixi doonin gudoonka Baarlamaanka isaga oo la sheegay inuu diyaarsaday laba nin oo kasoo kala jeeda Beelaha Hawiye iyo Daarood labadaas oo uu midkood doonayo inuu ku soo baxo Gudoonka Baarlamaanka, labadaas nin ayaa midkood la sheegay in lagu Magacaabo Mustaf Dhuxuloow, oo sida la shegay qaraabo la ah mid kamid ah xaasaska Shariif Xasan, Mustaf Dhuxuloow ayaa hadda u ah Shariif Xasan Sheekh Aden mid kamid ah xogheytiisa gaarka ah ee qoraalada u sameeya.
Xaafiiska Wararka Warlalis.com |
