Howlgal
aan caadi aheyn oo ka dhacay Balcad
Ciidamada dowladda ayaa howlgal dad iyo hub lagu qabtay waxa
ay ka sameeyeen degmada Balcad ee gobolka Sh/dhexe.
Howlgalkaani oo ay iska kaashanayeen ciidamada Milatariga
iyo kuwa Nabad sugida dowladda ayaa waxaa laga sameeyay maanta
degmada Balcad ee gobolka Sh/dhexe oo dhawaan dowladda ay
kala wareegtay Xarakada Al Shabaab.
Gudoomiyaha gobolka Sh/dhexe ee dowladda Cabdi Jiinoow Calasoow
ayaa waxa uu sheegay in baaritaanka lagu xaqiijinayay amaanka
degmada ayna ku qabteen rag ka tirsan Al Shabaab oo mid ka
mid ah uu sheegay in uu watay gaari ay ku jiraan waxyaabo
qarxa iyo saanad Milatari.
Taliyaha ciidamada dowladda ee degmada Balcad Bashiir Max’ud
Xirsi ayaa dhankiisa sheegay in amaanka degmada ay ku qabanayaan
gacan bir ah cid waliba oo ay arkaana inay qalqal galinayso
ay talaabo ka qaadayaan.
Ciidamada dowladda ayaa baaritaano joogta ah ka bilaabay deegaanadii
u dambeeyay oo ay kala wareegtay Al Shabaab oo mararka qaar
ay ka dhacaan falal amni daro.
