 |
|
» Benadir » Bulsho » Cadaado » CeelBuur » Dayniile » Deeyoo » Goobjoog » Hiiraan » Hobyonet » Jamaame » Janaale » Nurudin »
nuuruliimaan » Qaamuus |
Wadamada IGAD iyo AMISOM ayaa shir ugu qabtay magaalada Nairobi ee Dalka Keny kooxo lagu sheegay kooxaha ay quseyso Jubooyinka Kooxahaas ayaa kala ah Asaaniya, Ahlusunna Waljameeca Gedo, Raas Kambooni, Harti Guruub, iyo xubno ka tirsan Dawladda Soomaaliya oo uu soo diray Raisul wasaare Cabdi weli. IGAD iyo AMISOM ayaa u sheegay ka qeyb galayaasha shirkaan ka dhacaya Magaalada Nairobi ee Dalka Kenya in Bisha July dhexdeeda la qaban doono Magaalada Kismaayo ayna tahay Kooxahaan kala gedisan oo kuligood wada sheegta inay Jubooyinka ka socdaan inay ku heshiiyaan sidii maamul mideysan loogu samayn lahaa goboladda Jubooyinka iyo magaalada muhiimka ah Kismaayo. Kooxahaani ka shiraya arinta Magaalada Kismaayo ayaan wada aheyn kooxo degaan ahaan ka soo wada jeeda Jubooyinka, balse shirkaani ayaa u muuqda shir loo qabtay beel ka mid ah Beelaha Soomaaliyeed, shirkaan ayaa la filayaa inuu ka abuuro jubooyin colaad hor leh oo dhex marta Beelaha Soomaaliya. Beelihii Degaan ahaan kasoo jeeday degaanada Jubooyinka ayaan intooda badan laga wicin shirkaan Gaar ahaan Beelaha Hawiye, Dir, Digil iyo Mirifle iyo Beelaha Jareerweyne, shirkaan ayaa u muuqda mid lagu doonayo in lagu abuuro colaad ka abuuranta Maamul u samaynta Gobolada Jubooyinka. Qeybaha shirkaan kuwada kulansan ayaa sidoo kale ahayn kooxo ku heshiin kara Maamul maadaama ay kooxahaani ay salka kula wada jiraan dawlado ka mid ah Dawladaha IGAD. Dawlada Soomaaliya Madaxweynaheeda iyo Wasaaradda Arimaha Gudaha Soomaaliya oo ay aheyd haddii Maamul loo samaynayo Degaan ka mid ah Gobolada Soomaaliya inay iyagu maamulaan ayaan kaba warqabin shirkaan oo aanba lagu casuumin. sida IGAD iyo AMISOM u wadaan shirka ka socda magaalada Nairobi ayaa muujinaysa sida Dawladda Soomaaliyeed aysan gacanta ugu heynin waxa ka dhacaya Dalka Soomaaliya ama ay madaxda Soomaaliya aysan uga shaqeyneynin Danaha Dalka Soomaaliya balse ay uga shaqeynayaan qaarkood danaha Qabiilkooda kaliya sida uu haatanba sameeyay Raisulwasaare Cabdiweli. Waftiga raisulwasaaruhu u soo diray shirkaan ayaa la sheegay inuu yahay wafti ku socda qaab beeleed oo uusan waftigu aheyn wafti matala dhamaan umadda Soomaaliyeed. Madaxweynaha Soomaaliya Sh Shariif Sheekh Axmed iyo Wasiirka Wasaaradda Arimaha gudaha iyo amniga qaranka Mr Cabdisamad Macalin Maxamuud oo ah madaxa wasaarada ay quseyso arinta Maamul u samaynta Dalka Soomaaliya ayaan la ogeyn go’aanka ay ka qaadan doonaan shirkaan lagu majara habaabinayo Maamul u samaynta Goboladda Jubooyinka oo la sheegay in Wasaaradda Arimaha Gudaha ay haatan gacanta ku hayso. Waxaa wax lala yaabo ah kana hor imaanaysa Qaranimada iyo jiritaanka dalka Soomaaliya in shir loogu sameynayo Maamul gobolo ka mid ah Dalka Soomaaliya lagu qabto wadan kale, shirkana ay soo abaabulaan wadamada iyaga danta ka leh Goboladaas iyaddoo Madaxweynihii Dalka Soomaaliya aan lagala tashan hawshaan laga wado dalka Kenya iyadoo sidoo kalana Wasiirkii Wasaaradda Aimaha Gudaha uusan la socon goobjoogna uusan ka aheyn shirkaani. Dawladaha Kenya iyo Itoobiya ayaa la shegay inay ku heshiiyeen in ciidamadoodu ay si wada jir ah u qabtaan Magaalada Kismaayo oo ah Magaalo muhiim ah, iyada oo la filayo in magaaladaasi uu ka dhici doono is qabqabsi aad u weyn oo dhex mara kooxaha Soomaaliya. Qorshe Maamul loogu samaynayo Goboladda Jubooyinka oo ay wado Wasaaradda Arimaha Gudaha Soomaaliya iyo Qorshahaan isagana lagu sheegay in Maamul mid ah loogu samaynayo Goboladda Jubooyinka oo lagu qabanayo Magaalada Nairobi ee Dalka Kenya ayaa ah labo qorsho oo aan isla socon Karin, naiijada kasoo baxaysana ay noqon doono markii Alshabaab laga saaro gobolada Jubooyinka in khilaaf iyo dagaalo kale ay ka dhici doonaan goboladda Jubooyinka.
Xaafiiska Wararka Warlalis.com |
