Ilka Xanaf: “dastuurka
kuma cada shaqada Garsoorka iyo xuquuqdiisa”
Maxkamadda sare ayaa sheegtay in dastuurku uusan
ku qeexnayn xuquuqdii Garsoorka iyadoo dhinaca kale sheegtay
in khatar badan ay soo wajahdo Garsoorayaasha Maxkamadda sare.
Isaga oo ka hadlayay munaasabad lagu dhaarinayay 52 Garsoore
oo horay loo magacaabay Gudoomiyaha Maxkamadda sare Caydiid
Cabdullaahi Ilkaxanaf aya waxa uu sheegay in Dastuurka aysan
ku caddayn Xuquuqda garsoorka iyo shaqada qaar ka mid ah masuuliyiinta
maxkamadda sare,waxaana sidaasi daraadeed uu codsaday in arinkaasi
dib u eegis lagu sameeyo oo wax laga badalo.
Gudoomiyaha Maxkamada sare ayaa dhinaca kale caddeeyay in garsoorayaasha
Maxkamadda ay haysto amni xumo iyo dhaqaalo darro taasi oo uu
sheegay inay keentay inay gudan waayaan shaqadoodii, isagoo
xusay in la dilay in kabadan toban garsoore taasina aan wali
wax laga qaban .
Cabashada Maxkamadda sare ayaa ku biiraysa mida shacabka ay
ka muujinayaan dastuurka oo haatan ansixintiisa loo fadhiyo.
Xaafiiska Wararka Warlalis.com
