Ciidamada Ethopia oo ka baxay Baledweyne maxuu yahay qorshahooda

Iyadoo warar soo baxayay ay sheegayeen in ciidamada Ethopia ay ka
baxeen magaalada Baledweyne ee gobolka Hiiraan ayaa waxaa arintaasi
xaqiijiyay Maamulka dowladda ee gobolka kaasi oo sidoo kale sababta
sheegay.

Gudoomiye ku xigeenka dhinaca amniga ahna ku simaha Gudoomiyaha Axmed
Cismaan Inji ayaa u sheegay Warlalis in ciidamadaasi ay jirto inay ka
baxeen magaalada balse waxa uu sheegay in aysan meel uga socon gobolka
oo ay ku sugnaanayaan qorshahoodana uu yahay inay weeraro ku qaadaan
degmooyinka Jalalaqsi iyo buulo-burde oo ay maamulaan Shabaab.

Inji ayaa sheegay in ciidamada Ethopia ujeedkooda uu yahay inay ka
saaraan Al Shabaab meelaha kale oo ay kaga sugan yihiin gobolka
Hiiraan, isaga oo sheegay in magaalada ay ka baxeen ciidamadaaasi ay
hada amaankeeda la wareegeen ciidamada AMISOM iyo kuwa dowladda
Soomaaliya.

Ciidamada Ethopia ayaa magaalada Baledweyne qabtay horaantii
sanadkaani 2012 markaasi oo dagaal looga saaray Kooxda Al Shabaab.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden