Askar Kenyaan ah oo lagu dilay magaalada Gaarisa

Wararka ka imaanaya magaalada Gaarisa ee gobolka Waqooyi barri oo ay
haysato Kenya ayaa sheegaya in laba askari oo ka tirsanaa ciidamada
booliska dalka Kenya lagu toogtay magaalada Gaarisa ee xarunta u ah
gobolka Waqooyi-Bari.

Afhayeen u hadlay ciidamada AP-da loo yaqaanno Masoud Munyi oo ay
labada askari ee la dilay ka tirsanaayeen ayaa wargayska Daily Nation
ee dalka Kenya ka soo baxa u sheegay in askarta dhabarka laga toogtay
xilli ay ku guda jireen howlgal roondo ah.

Warka waxa uu intaasi ku darayaa in askarta lagu toogtay waddo la
yiraahdo Ngamia Road, iyadoo kooxda falka gaysatayna ay goobta ka
baxsatay.

Sidoo kale Booliska waxay sheegeen in kooxda dishay labada askari ay
qaateen laba qoray oo nooca G3-ga la yiraahdo iyo rasaas, kuwaas oo
markii dambe laga helay meel u dhow halka saraakiisha lagu dilay.sidoo
kale booliska ayaa baaritaanno ka sameeyay agagaarka halka uu dilka ka
dhacay, iyadoo ay sidoo kale gacanta ku dhigeen bastoolad loo
malaynayo inay lahaayeen kooxdii weerarka fuliyay.

Masoud Munyi oo ah afhayeenka ciidamada AP-da ee booliska ayaa sheegay
in weerarka ay ka shaki qabaan inuu jawaab u yahay qabsashada
ciidamada Kenya ee magaalada Kismaayo.

Qarax ka dhashay bam gacanta laga tuuray oo maanta lagu weeraray goob
kaniisad ah oo ku taalla xaafadda Islii ee magaalada Nairobi oo ay
Soomaalida ku badan tahay ayaa waxaa ku geeriyooday hal cunug, iyadoo
dhowr kalena ay ku dhaawacmeen.

Fiiro gaar ah kuwii shalay duhur ma aadan saarin.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden