Maanta oo loo fariisinayo
xalinta khilaafka Odayaasha

Gudiga xalinta khilaafaadka Odayaasha ayaa waxa
uu sheegay in maanta ay u fariisanayaan xalinta Odayaasha dhaqanka
ee lagu muransan yahay.
Iyadoo lagu dhawaaqay Gudiga xalinta khilaafaadka
Odayaasha oo ka kooban 26 xubnood ayaa Gudiga waxa uu faah faahin
ka bixiyay howsha uu qabanayo iyo Shir ay maanta u fadhiisanayaan
xubnahooda.
Malaaq Maxed Yacquub oo ka mid ah Gudiga
ayaa waxa uu sheegay in maanta ay u fariisanayaan xalinta Odayaasha
ayna ku rajo weynyihiin in ay kala saaraan Odayaasha rasmiga
ah iyo kuwa aan ahayn, isaga oo xusay in ay soo saari doonaan
wax lagu wado qanco.
Tan iyo markii Odayaasha beelaha Soomaaliyeed
ee soo xulaya Ergada ansixinta dastuurka la isugu keenay magaalada
Muqdisho ayaa waxaa soo baxayay muran baahsan oo ka taagan Odayaasha
kadib markii beelaha qaar ay ku doodeen in dad aan matalin meesha
la isugu keenay.
Xaafiiska Wararka Warlalis.com