Matt
Baugh: “waa xaqiiqo musuq maasuqa lagu eedeynayo Mas’uuliyiinta
dowladda”
Dowladda Ingiriiska ayaa waxa ay ka hadashay Musuq maasuq
Gudiga
dabagalka QM ee cunaqabateynta Soomaaliya iyo Eritrea uu ku
eedeeyay
Mas’uuliyiinta sare ee dowladda KMG Soomaaliya.
Wareysi ay la yeelatay VOA-da Matt Baugh Safiirka dowladda
Ingiriiska
u qaabilsan Soomaaliya ayaa waxa uu ku cadeeyay in UK ay taageersan
tahay shaqada ay qabteen Gudiga oo uu sheegay in si weyn ay
uga soo
baaraan dageen arrintani waxa uu ku tilmaamay mid dhibaato
ku ah dalka
, waxaana sidaasi awgeed uu sheegay in aysan aheyn in dib
loo dhigo
eedeyntaani.
Wakiilka ayaa sheegay in Madaxda la eedeynayo hadii ay qabtaan
mar
kale talada dalka in taasi macnaheeda uusan aheyn inay xasaanad
ka
haystaan in lagu soo rogo cunaqabateyn ay ka mid tahay xaga
safarka
iyo dhaqaalaha, isaga oo sheegay in UK iyo Caalamka uu hadafkooda
yahay in talaabo laga qaado qaswadayaasha sida kuwa tuuganimada
lagu
eedeynayo.
Mr. Mark Bow ayaa ugu dambeyn shaaca ka qaaday in hadii lacagahaasi
la lunsaday loo isticmaali lahaa sidii loogu tala galay ay
mushaaraad
joogta ah heli lahaayeen shaqaalaha dowladda lana gaari lahaa
horumar
dhinaca amaanka ah, waxaana si eedeymahaasi looga gudbo uu
sheegay in
lama huraan ay tahay in la sameeyo Gudi maamulo dhaqaalaha
dowladda.
