Maxkamada gobolka Banaadir oo xukuntay dad lagu eedeeyay dambiyo kala duwan

 

Maxkamada gobolka Banaadir ayaa xukuno ay ka mid tahay xabsi daa’in ku riday dad lagu eedeeyay dambiyo kala duwan.

Gudoomiyaha Maxkamada gobolka Banaadir Dr Xaashi Cilmi Nuur oo ku dhawaaqayay natiijada dacwo ciqaabaad ay Maxkamada maanta qaaday ayaa waxa uu sheegay in ay xukuno kala duwan ay ku rideen ilaa 5 ruux oo aan isku dambi ahayn.

Xaashi Cilmi ayaa 2 ka mid ah dadkaasi oo lagu eedeeyay in ay dil gaysteen ku xukumay xabsi daa’in halka labo kalana uu ku xukumay min 10 sano xarig ah kuwaasi oo lagu eedeeyay inay dhac u gaysteen dad shacab ah, iyadoo mid kalana lagu xukumay 5 sano oo xarig ah iyo in uu bixiyo lacago uu ka qaatay dad shacab ah.

Maxkamada gobolka Banaadir ayaa todobaadyadii u dambeeyay xukuno ku ridisay dad u badan rayid ah oo lagu eedeeyay dambiyo kala duwan, iyadoo sidoo kale dhawaan xukun 15 sano ah ku riday ku xigeenkii Xeer ilaaliyaha Maxkamada Qaranka.

 

 

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

---

---

Halkaan ka daawo Xalwo Boolimoog Sweden

---