Nin
qarax ka gaystay Ingiriiska oo haweeneydiisa la sheegay inay
ka tirsan tahay Shabaab
Nin qaraxyo ka gaystay wadanka Ingiriiska ayaa waxaa la ogaaday
xaaskiida inay ka tirsan tahay Al Shabaab oo ay u qaabilsan
tahay tababarka haweenka.
Sida ku qoran warbixin maanta lagu daabacay wargeyska The
Daily Telegraph ee ka soo baxa dalka Ingiriiska Hay’ada
sirdoonka dalkaasi Ingiriiska ee la yiraahdo MI5 iyo booliska
adduunka ee Interpool ayaa ka war helay in haweeney u dhaxday
nin sanadkii 2007 qaraxyo ka geystay magaalada London ee xarunta
Ingiriiska oo lagu magacaabi jiray JermaLindsay ay ku sugan
tahay qeybo ka mid ah koonfurta dalka Soomaaliya islamarkaana
ay tababaro siiso haweenka Soomaalida ah ee ka tirsan Xarakada
Al- Shabaab oo Soomaaliya ka dagaalama.
Haweenaydaan oo lagu magacaabo Lewthwaite hase ahaatee Shabaab
dhexdiiisa loo yaqaan magaca Dada Mzungu oo la macnno ah Gabadha
walaasheen ah ee cad, ayaa markii uu ninkeeda qaraxyo ka geestay
dalka Ingiriiska, waxaa ay u socdaashay dalka Kenya gaar ahaan
magalada xeebta ku taala ee Mombasa ooo ay Hay’adaha
amaanka Ingiriisku sheegeen inay ku sugneyd.
Warbixinta waxaa lagu sheegay in markii ay gashay dalka Kenya
in booliska Kenya ay ka war heleen oo lagu war galiyay inay
soo qabtaan haweenaydaasi hase ahaatee waa ay ka baxsatay
waxaana gurigii ay daganeyd laga helay waxyaabo qarxa oo laga
sameeyay waxyaabo Kiimikaal ah sida Booliska Kenya ay sheegeen
.
Bishii December ee sanadkii la soo dhaafay ayaa booliska adduunka
Interpool iyo Hay’adda sirdoonka dalka Ingiriiska ee
MI5 waxa ay ogaadeen xog ku saabsan in haweenaydaasi ay abaabulayso
qaraxyo ka dhaca dalka Kenya gaar ahaana magaalada Mombasa.
Qaraxyada ayaa haweenaydaani waxaa la sheegay inay gacanteyda
ku samayso waxaana wargayska warbixintaan qoray ee The daily
Telegraph uu leeyahay nasiib darro booliska Kenya waxa ay
ku guul dareysteen soo qabashada Lewthwaite .
Sarkaal ka tirsan booliska Kenya oo ku sugan magaalada Mombasa
ayaa wargeyska daily Telegraph u xaqiijiyay in Lewthwaite
ay ka gudubtay xadka Kenya, isagoo sheegay .inay hadda ku
sugan tahay meel ka mid ah gobolada koonfurta Soomaaliya ku
yaala oo ay tababaro siiso haweenka u dagaalama Al-Shabaab.
Qoraallo ku aadan baraarujin dhanka jihaadka oo ay haweenaydani
u dirtay haween kale oo ku sugan dalka Tanzania ayaa muujinaya
inay ku sugan tahay dalka Soomaaliya , waxana arintaasi caddeenaysa
ayuu leeyahay wargeyska inay isticmaalayso isgaarsiinta dalka
Soomaaliya lagana ogaaday furaha Soomaaliya oo ah +252..
Qoraalada ay qortay islamarkaana ay soo heleen booliska adduunka
ee Interpool la yiraahdo iyo Hay’adda soonka Ingiriiska
ayaa dhamaantood waxa ay ahaayeen kuwo ay ku baraarujineyso
haweenka aan Muslimiinta aheyn , iyadoo ugu baaqaysa
“ Inta aadan ku halaagsamin adduunyada waad inaad noqotaan
haween u gar gaara ilaaheey oo diinta difaaca “.
Lewthwaite ayaa wargeysku waxa uu leeyahay yaraanteeda waxa
ay jeclayd inay noqoto gabar Mujaahidad ah iyadoo jecleyd
in maalin maalmaha ka mid ah ay u gar gaarto diinta Alle sida
warbixinta lagu qoray.
In ka badan 5 jeer ayaa la aaminsan yahayinay ka bad baaday
isku day la doonayay in lagu qabto.
Saaxiibadeed ayaa weydiiyay waxa uu yahay Jihaadka , waxana
ay ugu jawaabtay in jihaadka uu garanayo cidda ku dhex jirta
, hadii aad doonaysaan inaad fahantaan mecnaha jihaadka imaada
Soomaaliya oo kaalmeeya walaalihiina u gar gaaraya diinta
ee dagaalada ka wada Soomaaliya ayay ugu jawaabtay saaxiibadeed
sida uu ku waramayo wargeyska.
Si kastaba waxaa haatan la rumaysan yahay in Lewthwaite oo
ah xaaska ninkii ka dambeeyay qaraxyadii ka dhacay magaalada
London Ingiriiska iyadoo isticmaalaysa magaca ah Dada Mzungu
ay ku sugan tahay Soomaaliya islamarkaana ay tahay sarkaalad
tababarta haweenka Soomaaliyeed iyo kuwa kale ee aan Soomaalida
aheyn ee Xarakadda Al-Shababka kala qeyb qaata dagaalada ka
dhanka ah dowladda KMG Soomaaliya iyo ciidamada AMISOM.
Xarakadda Al-Shabaab ayaa xiriir wanaagsan la leh ururka Al-Qacida
dad badan oo aan Soomaali aheyn ayaa la aaminsan yahay inay
ku garab siiyaan dagaalada ay Soomaaliya ka wadaan.
Qaraxyo Soomaaliya ka dhacay oo Shababku m,as’uuliyadooda
ay sheegteen ayaa la sheegaa inay fuliyeen haween waxaana
ugu dambeeyay qaraxii 4,tii bishii April ka dhacay xarunta
golaha murtida iyo madadaalada ee National Theatre oo ay dad
badan ku waxyeeloobeen.
