Wafdi
ka socda QM oo gaaray Galgaduud
Mas’uuliyiin ka tirsan Qaramada Midoobay ayaa waxa ay
gaareen magaalada Dhuusamareeb ee gobolka Galgaduud halkaasi
oo si weyn loogu soo dhaweeyay.
Wafdigaani ka socda Qaramada Midoobay oo uu hogaaminayo Mark
Bowden oo ah u qaabilsanaha QM ee dhanka bini’aadanimada
Soomaaliya ayaa waxa ay gaareen maanta magaalada Dhuusamareeb
ee gobolka Galgaduud.
Ujeedka Wafdiga ay u tageen magaalada ayaa waxaa lagu sheegay
inay tahay iyaga oo doonaya inay indho indheeyaan xaalada
bini’aadanimo ee ka jirta deegaanada ay maamusho Ahlu
Sunna ee gobolada dhexe.
Mark Bowden ayaa waxaa la filayaa in uu kulamo la qaato Saraakiisha
Ahlu Sunna Waljamaaca ee gobolka dhexe kuwaasi oo uu kala
hadli doono arrimo la xiriira xaaladda dadka taagta daran
ee ku nool deegaano ay ka mid yihiin kuwa hoostaga gobolka
Galgaduud.
Ahlu Sunna Waljamaaca ayaa waxa ay dhowr jeer oo hore ay Qaramada
Midoobay ugu baaqday inay gargaar soo gaarsiiso dadka ku dhibaateysan
deegaanada ay maamusho ee bartamaha dalka Soomaaliya kuwaasi
oo xaaladooda laga deyriyay.
