Rag iyo hub lagu qabtay Kismaayo

Howgal saacadihii lasoo dhaafay ciidamada dowladda iyo kuwa Kenya ay
ka sameeyeen magaalada Kismaayo ee gobolka Jubada hoose ayaa waxaa
lagu soo qabtay rag lala xiriirinayo inay ka tirsan yihiin Xarakada Al
Shabaab oo maalmo ka hor magaaladaasi isaga baxay.

taliyaha ciidamada dowladda ee gobolada Jubooyinka Ismaaciil Saxardiid
ayaa waxa uu sheegay in ay kusoo qabteen baaritaanka ay sameeyeen
maleeshiyaad ka tirsan Al Shabaab oo gaaraya 10 ruux kuwaasi oo uu
sheegay in falal amni daro ay ka wadeen gudaha Kismaayo xabsina ay
dhigeen.

Ismaaciil Saxardiid ayaa waxa uu sidoo kale xusay in baaritaano ay
sameeyen ay ku heleen hub sharci daro ah oo uu sheegay in ay ku
qarsanaayeen xaafadaha qaar ee magaalada Kismaayo, isaga oo sheegay
inay sii wadi doonaan howlgalada ay ku sugayaan amaanka magaalada.

Xaaladda magaalada Kismaayo ayaa waxa ay tahay saaka mid dagan, iyadoo
ay dib u bilowdeen isku socodka dadka, gaadiidka iyo goobaha ganacsi
inkastoo sidii hore aysan aheyn walina ay dadka ka cabsanayaan dagaalo
ka dhaca gudaha magaalada.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden