Saraakiil
Ingiriis ah oo Soomaaliya ku sugan
Saraakiil ciidan oo u dhashay wadanka Ingiriiska ayaa la
sheegay inay ciidamada AMISOM ee Soomaaliya ku caawiyaan dagaalada
ay kula jiraan Xarakadda Al-Shabab.
War laga soo xigtay waaxda difaaca wadanka Ingiriiska ayaa waxaa
lagu sheegay in ilaa iyo 10 sarkaal oo qubaro ah oo Soomaaliya
ku sugan ay ciidamada AMISOM ku caawiyaan dagaalada ay Shababka
kula jiraan.
Warkaan waxaa uu xusayaa in saraakiishaan ciidamada Ingiriiska
ka tirsan ay ciidamada AMISOM iyo kuwa dawlada ku gacan siiyeen
qabsashaada degmooyinka Afgooye iyo Balcad oo labada shabeele
ka kala tirsan.
Afhayeen aan magaciisa sheegin oo u hadlay waaxda arrimaha difaaca
wadanka Ingiriiska oo BBC World Service la hadlay ayaa xaqiijiyay
inay Soomaaliya gaar ahaan degmada Afgooye ka joogaan saraakiil
ciidan oo talo bixiyaal ah hase ahaatee aan wax dagaal ah ku
lug laheyn sida afhayeenku xusay.
Sida ay tabinayaan warbaahinta dalka Ingiriiska saraakiishaan
Ingiriiska aha ayaa cciidamada midawga Africa ku siiya furumaha
dagaalka waxaana ay kala qeyb qaataan dagaalada ay ciidamada
AMISOM galaan.
Ciidamada AMISOM iyo dawlada KMG ayaa taageera uga hela dagaalada
ay ku jiraan wadamada beesha Caalamka gaar ahaan Midawga Yurub
iyo Maraykanka.
Saraakiil ciidan oo Maraykan ah ayaa sidoo kale la sheegaa in
dagaalada ay ciidamada AMISOM ku caawiyaan.
Xarakadda Al-Shababab ayaa iyana waxaa ka bar bar dagaalama
dagaalyahano Al-Qacida ka tirsan oo aan Soomaali aheyn.
Xaafiiska Wararka Warlalis.com
