 |
|
» Benadir » Bulsho » Cadaado » CeelBuur » Dayniile » Deeyoo » Goobjoog » Hiiraan » Hobyonet » Jamaame » Janaale » Nurudin »
nuuruliimaan » Qaamuus |
Madaxweynaha Dawlada KMG ah ee Soomaaliya Shariif Sheekh Axmed ayaa heshiis kula galay Madaxweynaha Maamul goboleedka Puntland Cabdirahmaan Faroole heshiis laba dhinacle ah oo ay gaareen labada dhinac iyaga oo kala matelayey labada beel oo ay kasoo kala jeedaan labada nin oo kala ah Abgaal/Rati Abgaal iyo Majeerteen/Maxamuud Saleebaan, iyadoo Puntland heshiiska qeyb laga rabo halka Madaxweyne Shariifna laga rabo in heshiiska qeybtiisa uu ka fuliyo, heshiisyada labada dhinac ayaa kala ahaa:- Qodobada Cabdiraxmaan Faroole (Puntland) laga rabo. 1- In Puntland ay taageerayso musharaxnimada Madaxweyne Shariif oo ay la garab istaagayso taageero buuxda. 2- In Puntland ay xaqiijinayso in qof reer Puntland ah oo awooda beesha heysta uusan isku sharixi doonin Madaxweynanimada Soomaaliya, doorashada la filayo in la qabto 20-ka Agoosto 2012. Qodobada Shariif Sh Axmed (DKMG) ogolaaday. 1- In Puntland jagadeeda oo ah Raisulwasaaraha Soomaaliya ay lagama hadlaan tahay, uuna ilaalin doono madaxweyne Shariif in Jagadaas uu buuxiyo nin kasoo jeeda Maxamuud Saleemaan oo taageerana ka haysta Madaxweynaha Puntland Cabdiraxmaan Faroole. 2- In Dawladda Soomaaliya inta lagu jiro xiliga kala guurka ah ay awood dheeri ah siin doonto Puntland dhinaca samaynta Dastuurka, shirarka Saxiixayaasha inta badan lagu qaban doono Magaalada Garoowe ee Maamulka Puntland. 3- In Dawladda Soomaaliya ay ogolaansho buuxda siinayso in Puntland ay soo saarato kheyraadkeeda Dabiiciga ah. 4- In dhaqaalaha soo gala Dalka Soomaaliya ay qeybta Puntland ay lagama hadlaan tahay. 5- In siyaasadda Dawladda Soomaaliya meesha laga hago ay noqon doonta Maamulka Puntland. 6- In Dastuurka Dawlada Federaalka Soomaaliya la waafajin doono Dastuurka Maamulka Puntland, qodob kasta oo ka hor imaanaya dastuurka Puntland laga saari doono. 7- In dhamaan ergada ansixinta Dastuurka Dawladda Soomaaliya iyo Baarlamaanka qeybta Puntland looga danbeyn doono Madaxweynaha Puntland Cabdiraxmaan Faroole. Qodobadaan kore oo ay labada nin kala saxiixdeen iyagoo ku kala hadlaya masuuliyadda iyo beelaha ay kasoo jeedaan ayaa la sheegayaa in Madaxweynaha Dawlada Soomaaliya uu fuliyey dhamaan qodobada dhinaciisa laga rabay, balse madaxweynaha Puntland Cabdirahmaan Faroole oo aaminsan siyaasadu malahan saaxiib joogta ah ee waxaa ay leedahay dan joogta ah ayaa la sheegay inuu ka baxay in Puntland teegeerto Madaxtinimada Shariif, isaga oo ka dhawaajiyey in Dalka Soomaaliya uu u baahan yahay madax cusub oo daacad ah, hadalkaan ayaa ah mid sidoo kale kasoo yeeray Amb. Mahiga. Isku soo wada duube Madaxweynaha Puntland ayaa heshiiskaan ku meel marsaday waxyaalo badan oo aysan suuragal ahaateen in Cabdiraxmaan faroole uu ansaxsado, waxyaalahaas oo ay ka mid yihiin in Madaxweynaha Puntland uu Dastuurka Soomaaliya u sameeyo si la jaanqaadi karta dastuurka dhowaan Puntland ansaxsatay, isaga oo ku daray qodob sheegaya in Puntland hergelinta Dastuurka Federaalka Soomaaliya uusan waajib ku ahayn inta Dalka Soomaaliya oo dhan laga hergelinayo Dawlado hoos tagaya Federaalka Soomaaliya. Dhanka kale Madaxweyne Shariif ayaa rag saaxiibo aad ugu dhow ugu sheegay si hoose sababta uu uga aqbalay in Madaxweynaha maamulka Puntland Cabdiraxmaan Faroole uu hago siyaasada dalka Soomaaliya isaga oo sheegay inuu kaliya sugayo inta uu ka helayo in dib loo soo doorto 4-ta sano oo soo socota, markaas kadib ayuu madaxweyne Shariif sheegay in uu Puntland tusi doono waxa ay tahay. Si kastaba ha ahaatee heshiiska oo ku saabsanaa Xaaraan, isagoo ku salaysnaa in dhaqaalaha iyo maamulka dalka ay kala hagaan labada nin iyo beelaha ay kasoo jeedaan ayaa waxaad hada moodaa in labada nin ay biyo hoostood iska arkeen, madaxweyne Shariifna uu hadda arkay inuu meel cidlo ah taagan yahay maadaama Raisulwasaaraha Soomaaliya uu yahay Musharax u taagan madaxweynanimada Soomaaliya, arintaas ayaa la sheegayaa in Madaxweyne Shariif ay ku qasabtay inuu heshiis la bilaabo Madaxweynaha Maamulka Somaliland Axmed Siilaanyo. Shariif Sheekh Ahmed ayaa haatan aad ula daala dhacaya sida uu u kala qancin lahaa madaxda Maamulka Puntland iyo Somaliland isaga oo heshiiska uu hadda la bilaabay Axmed Siilaanyo ujeedada uu ka leeyahay ay tahay in Xildhibaanada Beesha Dir uu taageero uga helo, Maamulka Soomaaliland-na uu arintaas gacan ka geysto isaga oo Madaxweyne Siilaanyo u balan qaaday in uusan mardanbe siin doonin qofka soo jeeda Maamulka Puntland Raisul wasaaranimada Dalka Soomaaliya, taa bedelkeedana uu siin doono Siyaasi Maamulka Somaliland raali ka yahay oo ka soo jeeda Beesha Isaaq.
Xaafiiska Wararka Warlalis.com |
