Somaliland oo hakad galisay
wada hadaladii ay kula jirtay dowladda KMG
Wasiirka arrimaha dibadda Maamulka Somaliland
Max'ed C/laahi Cumar oo Shir jaraa'id ku qabtay magaalada Hargeysa
ayaa waxa uu sheegay in ay hakad galiyeen wada hadaladii ay
kula jireen dowladda KMG Soomaaliya sababo la xiriira dowladda
oo waqtigeeda uu sii dhamaanayo iyo iyadoo Madaxda ay ku mashquulsan
yihiin dhisida dowlad cusub.
"Soomaaliya hada waxa ay galaysaa marxalad cusub oo doorasho
ayaa ka dhaceysa, waxa ay sidoo kale ku mashquulsan tahay sidii
ay dastuur u sameysan lahayd marka sidaasi awgeed waxaan hakinay
wada hadalada oo waxaan sugeynaa inta ay laga soo dhisayo dowlad
cusub taasi ayaana la hadleena maadaama tani uu waqtigeeda dhamaad
yahay" sidaasi waxaa yiri Somlailand.
Wasiirka arrimaha gudaha Maamulka Somaliland ayaa waxa uu sidoo
kale sheegay inay ku rajo weyn yihiin sida uu hadalka u dhigay
inay madax banaani helaan maadaama uu sheegay in labada dhinac
ee dowladda iyo Somaliland ay isku soo dhawaadeen meel wanaagsana
ay wax u marayaan.
21 sano ka hor ayaa Maamulka Somaliland waxa uu ku dhawaaqay
inuu ka go'ay soomaaliya inteeda kale oo uu yahay dal madax
banaan inkastoo mudooyinkii dambe mowjado arrintaasi burin karo
uu ku furmay maamulkaasi kadib markii deegaanada Sool, sanaag
iyo Togdheer looga dhawaaqay Maamul la magac baxay Khaatuma
State kaasi oo ay aqoonsatay dowladda.
Xaafiiska Wararka Warlalis.com
