Walaweyn oo lala wareegay

Ciidamada dowladda iyo kuwa AMISOM oo ka dhaqaaqay shalay galab
degmada Afgooye ee gobolka Sh/hoose ayaa waxa ay fariisimo ka
samaysteen duleedka degmada Walaweyn halkaasi oo ay isaga baxeen Al
Shabaab.

Saraakiisha ciidamada ayaa sheegaya inay gacanta ku dhigeen degmada
Walaweyn iyo sidoo kale deegaanka Warmaxan oo ka wada tirsan gobolka,
iyaga oo aan la kulmin wax iska caabin ah.

Warar madax banaan ayaa sheegaya in ciidamada aysan wali gudaha u
galin degmada balse ay ku hareereesan yihiin, iyadoo Amaanduulaha
ciidamada Milatariga oo hadlay uu sheegay in maanta ay qabanayaan
degmada.

Lama oga halka ay qabteen Saraakiishi iyo ciidamadii Kooxda Shabaab ee
isaga baxay degmada Walaweyn hase ahaatee warar ayaa sheegaya in ay u
baxsadeen wadooyinka kala aada Bay iyo Sh/dhexe.

Xaaladda ayaa saaka waxa ay tahay mid dagan , iyadoo dad deegaankana
aysan jirin wax barakac ah oo ay sameynayaan hase ahaatee waxa ay
muujinayaan dareen ah waxa dhici doona.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden