Waxgarad iyo Aqoonyahaan dhaleeceeyay Madaxweyne Faroole

Kadib markii Madaxweynaha Maamulka Puntland C/raxmaan Sheekh Max’ed Faroole uu sheegay in dastuurka Soomaaliya uu diyaariyay Maamulkooda ayaa qaar ka mid ah Waxgaradka iyo Aqoonyanada Soomaaliyeed waxa ay si aad ah u dhaleeceeyeen hadalka Faroole.

C/kariin Macalin Xasan oo ka mid ah Waxgaradka Soomaaliyeed ayaa waxa uu sheegay in wax laga xumaado ay tahay hadalkii Faroole, iyadoo Maamulka Puntland uu sheegay inay ka mid tahay dowladd KMG xaqna aysan u laheyn inay ku hadasho wax ka baxsan aqlaaqda suuban.

Sidoo kale Cali Xaashi Cabdi oo ka mid ah aqoonyahanada Muqdisho ayaa waxa uu sheegay in Madaxweyne Faroole had iyo jeer uu ku hadlo hadalo laga fiican yahay oo aan laga fiirsan, waxaana uu isweydiiyay halka awoodaani ay ka keentay Puntland iyo in ay raali uga tahay dowladda, isaga oo sheegay in Ra’iisul wasaaraha looga fadhiyo in uu ka jawaabo.

Puntland ayaa dhawaan sidoo kale waxa ay sidoo kale shaki galisay caasimada Soomaaliya ee Muqdisho, iyadoo sheegtay in hada kadib laga gorgortamayo caasimada Soomaaliya halka ay noqoneyso.

Xaafiiska Wararka Warlalis.com

Hambalyo Hambalyo Hambalyo

( Riix halkaan ) 2012.03.09

Halkaan ka daawo Xalwo Boolimoog Sweden